پنجاب بار کونسل کے 57 تحصیل صدور ڈی نوٹیفائی

پنجاب بار کونسل نے 57 تحصیل صدور کو ڈی نوٹیفائی کر کے نائب صدور کو صدر مقرر کر دیا ہے

پنجاب بار کونسل نے 57 ضلعی اور تحصیل بارز کے صدور کی معطلی کا نوٹیفکیشن جاری کردیا ،چیئرمین ایگزیکٹو کمیٹی کی جانب سے نوٹفکیشن جاری کیا گیا ہے جس میں 57 ضلعی اور تحصیل بارز کے صدورکو معطل کرنے کے بعد بارز کے نائب صدور کو عہدہ سنبھا لنے کا حکم دیا گیا ہے۔

چیئرمین ایگزیکٹو کمیٹی پنجاب بار کونسل طاہر شبیر چوہدری نے نوٹیفکیشن جاریکیا، پنجاب بار کونسل نے بارز کے صدور کو چارج سنبھالنے کے بعد الیکشن بورڈ تشکیل دینے کا حکم بھی دیا ہے

57 بارز کے صدور کو الیکشن بورڈ کا تقررنہ کرنے کی وجہ سے معطل کیا گیا ہے، ۔پنجاب بار کونسل نے جن بارز کے صدور کو معطل کیا ان میں منچن آباد، احمد پور شرقی،خان پور، صادق آباد، ڈی جی خان، تونسہ، جام پور، روجھان، کوٹ ادو، مظفر گڑھ،شجاع آباد، لودھراں، دنیا پور، فیصل آباد، شیخوپورہ، میانوالی، جہلم ، سیالکوٹ، نارووال، ،حافظ آباد، خانیوال، ننکانہ صاحب، پاکپتن، شکر گڑھ، مری ،کامونکی، ڈسکہ،پسرور،نارووال،کوٹ مومن، کلور کوٹ، دریا خان، سمیت دیگر بارز شامل ہیں