حکومتِ پنجاب نے صوبے بھر میں دفعہ 144 کے نفاذ میں مزید 8 دن کی توسیع کر دی ہے۔
سرکاری ٹی وی پی ٹی وی کی رپورٹ کے مطابق محکمہ داخلہ پنجاب کے جاری کردہ نوٹیفکیشن میں بتایا گیا ہے کہ صوبے میں ہر قسم کے احتجاج، جلسے، جلوس، ریلیاں، دھرنے اور دیگر عوامی اجتماعات پر پابندی ہفتہ، یکم نومبر تک برقرار رہے گی۔ترجمان محکمہ داخلہ کے مطابق دفعہ 144 کے تحت چار یا زائد افراد کے عوامی مقامات پر جمع ہونے پر مکمل پابندی ہوگی۔نوٹیفکیشن میں یہ بھی کہا گیا ہے کہ اسلحہ کی نمائش، لاؤڈ اسپیکر کے استعمال اور اشتعال انگیز یا فرقہ وارانہ مواد کی اشاعت و تقسیم پر بھی مکمل پابندی عائد رہے گی۔
البتہ پابندی کا اطلاق شادی کی تقریبات، جنازوں، تدفین، سرکاری فرائض انجام دینے والے اہلکاروں اور عدالتوں پر نہیں ہوگا، جب کہ لاؤڈ اسپیکر صرف اذان اور جمعہ کے خطبے کے لیے استعمال کیے جا سکیں گے۔ترجمان کے مطابق یہ توسیع امن و امان برقرار رکھنے، انسانی جانوں اور املاک کے تحفظ کے لیے کی گئی ہے، کیونکہ سیکیورٹی خطرات کے پیش نظر عوامی اجتماعات دہشت گردوں کے لیے سافٹ ٹارگٹ بن سکتے ہیں اور شرپسند عناصر ان کا فائدہ اٹھا کر ریاست مخالف سرگرمیوں میں ملوث ہو سکتے ہیں۔
واضح رہے کہ 16 اکتوبر کو پنجاب بھر میں 18 اکتوبر تک دفعہ 144 نافذ کی گئی تھی، جس میں اب توسیع کر دی گئی ہے
کراچی میں فیس لیس ای ٹکٹنگ سسٹم 27 اکتوبر سے شروع ہوگا
صدر آصف زرداری کی آزاد کشمیر میں حکومت سازی کی منظوری
چراٹ میں پاک فوج اور قازقستان کی مشترکہ مشق "دوستاریم 5” اختتام پذیر
