پنجاب حکومت بیوروکریٹس کے لیے 93 لگژری گاڑیوں کی خریداری پر 989 ملین روپے خرچ کرے گی-
باغی ٹی وی : نجی خبررساں ادارے جیو نیوز نے اپنی ایک رپورٹ میں انکشاف کیا ہے کہ حکومت پنجاب کے محکمہ ریونیو کی جانب سے ایک نوٹیفکیشن جاری کیا گیا ہےجس کے مطابق مورخہ 7 اکتوبرکو پنجاب اسمبلی کی قائمہ کمیٹی برائے فنانس اینڈ ڈویلپمنٹ نے ہدایت جاری کی ہے کہ صوبے میں بیوروکریٹس کے لیے 93 لگژری گاڑیاں خریدی جائیں-
کراچی میں پاکستان کی پہلی الیکٹرک بس سروس کی آزمائش
نوٹیفیکیشن کے مطابق 93 گاڑیوں میں سے 40 ٹویوٹا فارچیونر پنجاب میں ڈپٹی کمشنرز کے لیے 53 کروڑ 60لاکھ روپے کی لاگت سے خریدی جائیں گی جب کہ 12 کرولا ایکس بورڈ آف ریونیو کے ممبران کے لیے 58،308،000 روپے کی لاگت سے خریدی جائیں گی اور 397،208،000 روپے لاگت کی 41 ہائی لکس گاڑیاں 4×4 ایڈیشنل ڈپٹی کمشنرز (ریونیو) کے حوالے کی جائیں گی۔
نوٹیفکیشن میں مزید کہا گیا ہےکہ گاڑیاں لاہور میں انڈس موٹرز سے ٹویوٹا گجرات موٹرز کے ذریعے خریدی جائیں گی اور تمام 93 گاڑیوں کو حاصل کرنے کے لیے مجموعی طور پر 98 کروڑ 91 لاکھ 16 ہزار روپے خرچ ہوں گے۔
پرویز الہی کی عمران خان کو وزارت اعلی سے مستعفٰی ہونے کی دھمکی
قبل ازیں گذشتہ ماہ سوشل میڈیا پر صارفین نے بھی دعویٰ کیا تھا کہ پنجاب حکومت نے اپنے بیورو کریٹس کے لیے 93 لگژری گاڑیاں خریدنے کی منظوری دے دی ہے، جن میں 40 ٹویوٹا فارچیونرز بھی شامل ہیں۔
https://twitter.com/miqazi/status/1584401645701828609?s=20&t=7gnX_98bfywB39gxBmXmoQ
24 اکتوبرکومحمد ابراہیم نامی ٹوئٹر صارف نےحکومت پنجاب کے محکمہ ریونیو کی طرف سےجاری کردہ ایک مبینہ نوٹیفکیشن شیئر کرتے ہوئےلکھا تھا کہ یہی وجہ ہے کہ چینی قیادت نے آرمی چیف سے شکایت کی کہ وہ بیوروکریسی کے ساتھ کام نہیں کرسکتے،سیلاب زدہ پنجاب حکومت نے ٹویوٹا انڈس کارپوریشن سے 93 گاڑیاں خریدنے کے لیے 989 ملین روپے خرچ کر دیے، یہ ایک آرگنائزڈ کرائم ہے ،ایک ایسی سوچ کےساتھ کہ جیسے وہ اس کا استحقاق رکھتے ہوں-
حمیر اقبال نامی ایک اور ٹوئٹر صارف نے لکھا تھا کہ پنجاب حکومت کا پاگل پن عروج پر، نیازی کے وزیراعلیٰ پنجاب نے اپنی کابینہ کے لیے 49 فارچیونرز گاڑیاں خریدنے کی منظوری دی۔
Punjab Govt's insane at peak. Niazi's CM Punjab approved the purchase of 49 fortuners vehicles for his cabinet. pic.twitter.com/xiFmoZGH0H
— SMT PPP Thatta Humair Iqbal (@HumairIqbal1) September 10, 2022
