لاہور: پنجاب حکومت نے ملاوٹ، ذخیرہ اندوزی اور منافع خوری کے خلاف پنجاب انفورسمنٹ اتھارٹی بنانے کا فیصلہ کرلیا۔
باغی ٹی وی :ذرائع کے مطابق اتھارٹی کے قیام کا مقصد شہریوں کو سرکاری نرخوں پر اشیا کی فراہمی یقینی بنانا ہے۔ پنجاب انفورسمنٹ اتھارٹی کھانے پینے کی اشیا کا معیار بھی چیک کرے گی اور ڈیمانڈ اینڈ سپلائی کی بھی نگرانی کرے گی پنجاب انفورسمنٹ اتھارٹی صوبے بھر میں ملاوٹ کے خاتمے کیلئے چھاپے مارے گی اور اسے جرمانوں کا بھی اختیار ہوگا، یہ اتھارٹی اشیا کے معیار اور ان کی تیاری میں حفظان صحت کے اصولوں کے حوالے سے اقدامات کرے گی، پنجاب انفورسمنٹ اتھارٹی ناجائز تجاوزات کے خاتمے کیلئے انتظامیہ سے مل کر اقدامات کرے گی۔
