پنجاب کے اگلے وزیرداخلہ کون ہوں گے:مشاورت شروع

لاہور:وزیر داخلہ پنجاب ہاشم ڈوگر نے وزارت سے استعفیٰ دے دیا۔تفصیلات کے مطابق وزیر داخلہ پنجاب ہاشم ڈوگر نے اپنا استعفیٰ وزیراعلیٰ پنجاب چوہدری پرویز الٰہی کو پیش کیا۔ انہوں نے کہا کہ میں بطور وزیر داخلہ پنجاب کام جاری نہیں رکھنا چاہتا۔

پی ٹی آئی رہنما نے اپنے ٹوئٹر اکاؤنٹ پر ہاتھ سے لکھے گئے استعفیٰ کی کاپی شیئر کرتے ہوئے اپنی ٹوئٹ میں لکھا ’’آج میں نے چند ناگزیر اور ذاتی وجوہات کی بنا پر وزارت سے استعفیٰ دیا ہے تاہم میں آگے بھی پی ٹی آئی کے ادنیٰ کارکن کے طور پر کام کرتا رہوں گا۔

آج میں نے زاتی وجوہات کی بنا پہ اپنے عہدے سے استعفی دیا ہے۔ انشاللہ آگے بھی پی ٹی آی کے ادنی کارکن کے طور پہ کام کرتا رہوں گا pic.twitter.com/hQzZDUf5Da

— Hashim Dogar|Ex Provincial Minister Punjab (@ColhashimDogar) October 11, 2022

دوسری جانب پنجاب کے وزیرداخلہ کے مستعفی ہونے کے بعد نئے وزیرداخلہ کیلئے پی ٹی آئی کے اہم رہنماوں کے نام زیرغور ہیں۔

ذرائع کا کہنا ہے کہ صوبائی وزیر داخلہ کے لیے میاں اسلم اقبال، عمرسرفرازچیمہ اور شہباز گل کا نام زیر غور ہے اور اس حوالے سے حتمی فیصلہ سابق وزیراعظم اور چیئرمین پی ٹی آئی عمران خان کے دورہ لاہور پر ہوگا۔