پنجاب کے بڑے شہر میں آتشزدگی کا واقعہ،2 بچے جاں بحق

پنجاب کے بڑے شہر میں آتشزدگی کا واقعہ،2 بچے جاں بحق

باغی ٹی وی کی رپورٹ کے مطابق پنجاب کے شہر گجرات میں آتشزدگی کا واقعہ سامنے آیا ہے جہاں جھگیوں میں آگ لگنے سے 2 بچے جاں بحق اور 7 افراد زخمی ہو گئے

اطلاع پر ریسکیو ٹیمیں موقع پر پہنچ گئیں اور آگ بجھائی، ریسکیو حکام کے مطابق واقعہ گجرات کے علاقے شادیوال میں پیش آیا جہاں جھگیوں میں آتشزدگی ہوئی جس کے نتیجے میں 2 بچے جاں بحق ہو گئے اور سات افراد زخمی ہوئے جنہیں طبی امداد کے لئے مقامی ہسپتال منتقل کر دیا گیا ہے

ریسکیو حکام کے مطابق جاں بحق بچوں کی عمریں 8 سے 10سال ہیں جبکہ آگ پر قابو پا لیا گیا ہے۔ریسکیو حکام کے مطابق کہا جارہا ہے کہ جھگی میں مقیم افراد موم بتی جلا کر سوگئے تھے جس سے آگ لگی تا ہم ابھی تک یہ واضح نہیں کہ آگ لگنے کی کیا وجوہات ہو سکتی ہے،

واضح رہے کہ 28 جنوری کو لاہور کے علاقے شاہدرہ امامیہ کالونی میں فیکٹری میں آگ لگی تھی جس کے نتیجے میں فیکٹری مالک، 4 خواتین سمیت 10 افراد جاں بحق ہو گئے

ریسکیو حکام کے مطابق حادثہ سلنڈر پھٹنے کے باعث پیش آیا، جس سے باڈی اسپرے کی فیکٹری آگ کا گولہ بن گئی، سلنڈر پھٹنے کے وقت فیکٹری میں مزدور کام کر رہے تھے، تپش سے کمزور چھت بھی گر گئی، جس سے اموات ہوئیں