پنجاب کے بڑے شہر میں ڈاکوؤں کی پولیس پر فائرنگ،ایک ڈاکو ہلاک ،ایک گرفتار، باقی فرار
باغی ٹی وی کی رپورٹ کے مطابق پنجاب کے شہر راولپنڈی میں وارث خان سرفراز روڈ پر ڈاکوؤں نے پولیس ریڈنگ پارٹی پر فائرنگ کی ہے،
ترجمان پنڈی پولیس کے مطابق ڈکیتوں نے پولیس کو دیکھتے ہی اندھا دھند فائرنگ شروع کر دی، ڈکیتوں کی فائرنگ سے ان کے اپنے 2 ڈکیت ساتھی زخمی ہوئے، ایس ایچ او کا کہنا ہے کہ 5ڈکیت فائرنگ کرتے ہوئے موقع سے فرار ہو گئے، دو زخمیوںکو گرفتار کیا گیا ،
زخمی ڈکیتوں کی شناخت ولائیت شاہ اور نور خان کے نام سے ہوئی، ڈکیتوں سے موٹرسائیکل اور اسلحہ ایمونیشن برآمد کر لیا گیا،ڈکیتوں کی فائرنگ سے پولیس پارٹی محفوظ رہی،
پولیس کے مطابق زخمی ڈکیتوں کو ہسپتال منتقل کیا گیا جہاں زخمی ولائیت شاہ دم توڑ گیا،سی پی او راولپنڈی محمد احسن یونس نےڈکیتی کی وارداتوں پرایس پی راول کو ڈکیتوں کی گرفتاری کا ٹاسک دیا تھا، ایس پی راول رائے مظہر اقبال نے ڈکیتوں کی گرفتاری کے لیے خصوصی ٹیم تشکیل دی، ایس ایچ او تھانہ وارث خان غضنفر عباس اور ٹیم نے 2 اہم ڈکیتوں کو زخمی حالت میں گرفتار کر لیا،
ڈاکوؤں کی جانب سے پولیس پر فائرنگ کے بعد پولیس کی اضافی نفری طلب کر لی گئی ہے، فرار ڈکیتوں کی گرفتاری کے لئے ریڈ کئے جا رہے ہیں ،پولیس کے مطابق 7رکنی ڈکیت گینگ کا وارث خان کے علاقہ میں الیکٹرانکس اور پی سی او کی درجنوں راہزنی اور ڈکیتی کی کروڑوں کی وارداتوں کا انکشاف، مزید انٹروگیشن جاری، مقدمہ درج کیا جا رہا ہے،ڈکیت گینگ کی ڈکیتی اور راہزنی کی متعدد فوٹیجز موجود ہیں،
ایس پی راول ڈویژن رائے مظہر اقبال کا کہنا ہے کہ عوام کی جان و مال کی حفاظت کے لیے راولپنڈی پولیس کسی قربانی سے دریغ نہیں کرئے گی، سی پی راولپنڈی کی جانب سے ڈکیتوں کی گرفتاری پر ایس پی راول اور ٹیم کو شاباش دی گئی ہے اورڈکیتی کی وارداتوں میں ملوث ملزمان کی گرفتاری کو یقینی بنانے کی ہدایت کی گئی ہے.
