پنجاب میں امن ومان کی ناقص صورتحال، وزیراعظم عمران خان کا بھا نجا لٹ گیا

پنجاب میں امن ومان کی ناقص صورتحال، وزیراعظم کا بھا نجا لٹ گیا

باغی ٹی وی کی رپورٹ کے مطابق وزیراعظم عمران خان کے بھانجے شیر شاہ کےگھر پرڈکیتی کی ورادات ہوئی ہے، پنجاب کے صوبائی دارالحکومت لاہور میں ڈکیتی کی وارداتوں میں نئے سال میں مزید اضافہ ہونے لگا ہے، آئی جی کی تبدیلی کے باوجود پولیس ڈکیتی کی وارداتوں کو روکنے میں بے بس نظر آتی ہے

وزیراعظم عمران خان کے بھانجے کے گھر سے ڈاکو طلائی زیورات اور پستول لے کر فرار ہو گئے،اطلاع ملنے پر پولیس موقع پر پہنچی اور واقعہ کا مقدمہ درج کر لیا، پولیس کے مطابق اپر مال کے علاقے میں رات 4 بجے تین ڈاکو عمران خان کے بھانجے شیر شاہ کی رہائش گاہ میں دیوار پھلانگ کر داخل ہوئے اور طلائی زیورات، نقدی اور اسلحہ لوٹ کر فرار ہوگئے۔

پولیس کے مطابق گھر کا دروازہ کھلا ہونے کی وجہ سے ڈاکو گھر میں داخل ہوئے اور ڈکیتی کی،واردات کے وقت وزیراعظم عمران خان کے بھانجے خود گھر میں موجود نہیں تھے جبکہ انکی اہلیہ اور بچے گھر میں تھے،پولیس کا کہنا ہے کہ شواہد اکٹھے کر لئے ہیں جلد ملزمان کو گرفتار کر لیا جائے گا.

پولیس کی جانب سے عوام کی جان و مال کی حفاظت کے دعوے تو بہت کیے جارہے ہیں لیکن شہر کے اکثر علاقوں میں ڈاکو سرعام واردات کرنے کے بعد فرار ہوجاتے ہیں اور پولیس صرف خانہ پری کی حد تک ہی مصروف دکھائی دیتی ہے اور حکام کو سب اچھا کی رپورٹ دیتی ہے.