پنجاب میں کرونا کا پھیلاؤ جاری، مریض 76 ہزار سے زائد، اموات 1762 ہو گئیں

باغی ٹی وی کی رپورٹ کے مطابق ملک بھر کی طرح پنجاب میں بھی کرونا کا پھیلاؤ جاری ہے،پنجاب میں کورونا وائرس کے 761نئے کیس سامنے آئے ہیں جس کے بعد پنجاب میں مریضوں کی مجموعی تعداد76,262 ہو گئی۔

ترجمان پرائمری اینڈ سیکنڈری ہیلتھ کیئر کے مطابق لاہورمیں 403، ننکانہ 1،قصور 1،شیخوپورہ 7،راولپنڈی 87،اٹک 2،جہلم 4 اور گوجرانوالہ میں 12کیسز رپورٹ ہوئے۔سیالکوٹ6،نارووال 7،گجرات26، حافظ آباد1، منڈی بہاؤالدین10،ملتان42، خانیوال 1،وہاڑی2، فیصل آباد64، چنیوٹ9، ٹوبہ 9،جھنگ 1اور رحیم یار خان میں 5کیسز سامنے آئے۔ سرگودھا 6، میانوالی 4، خوشاب3،بہاولپور 6، ڈیرہ غازی خان7، مظفرگڑھ22، لیہ 2،اوکاڑہ1،ساہیوال7اور پاکپتن میں 3 کیسزسامنے آئے۔

ترجمان پرائمری اینڈ سیکنڈری ہیلتھ کیئر کے مطابق پنجاب میں کورونا وائرس سے 35 مزید اموات ہوئی ہیں جس کے بعد اموات کی کل تعداد1762 ہو چکی ہیں۔ اب تک 501,509ٹیسٹ کیے جا چکے ہیں۔ کورونا وائرس کو شکست دینے والوں کی تعداد 27,488 ہو چکی ہے۔

ترجمان پرائمری اینڈ سکینڈری ہیلتھ کیئر نے عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔کورونا وائرس کی علامات ظاہر ہونے پر فوراََ1033 پر رابطہ کریں۔