پنجاب میں کرونا مریض 70 ہزار کے قریب پہنچ گئے،اموات میں بھی اضافہ

باغی ٹی وی کی رپورٹ کے مطابق پنجاب میں کرونا وائرس کا پھیلاؤ جاری ہے،کورونا وائرس کے1228 نئے کیس سامنے آئے ہیں جس کے بعد پنجاب میں مریضوں کی مجموعی تعداد 69,536 ہو گئی۔

ترجمان پرائمری اینڈ سیکنڈری ہیلتھ کیئر کے مطابق لاہورمیں 762، ننکانہ7، قصور5، شیخوپورہ10، جہلم10، اٹک85 اور گوجرانوالہ میں 14کیسز رپورٹ ہوئے۔ سیالکوٹ12،گجرات60،حافظ آباد 7،منڈی بہاؤالدین6، ملتان80، مظفر گڑھ3، وہاڑی6، فیصل آباد 35، چنیوٹ6، ٹوبہ6 اور رحیم یار خان میں 17کیسز سامنے آئے۔ سرگودھا 41، میانوالی15، بہاولنگر11، لودھراں 3،ڈیرہ غازی خان17، لیہ1، بھکر 3، ساہیوال4 اور پاکپتن میں 2 کیسزسامنے آئے۔

ترجمان پرائمری اینڈ سیکنڈری ہیلتھ کیئرکے مطابق پنجاب میں کورونا وائرس سے 21 مزید اموات ہوئی ہیں جس کے بعد اموات کی مجموعی تعداد1516 ہو چکی ہیں۔ اب تک 445,339ٹیسٹ کیے جا چکے ہیں۔ کورونا وائرس کو شکست دینے والوں کی تعداد 19,935 ہو چکی ہے۔

ترجمان پرائمری اینڈ سکینڈری ہیلتھ کیئر کے مطابق عوام سے گزارش ہے کہ حفاظتی تدابیر اختیار کرکے خود کو محفوظ بنائیں ،کورونا وائرس کی علامات ظاہر ہونے پر فوراََ1033 پر رابطہ کریں