پنجاب میں ڈاکٹرز کی بھرتی کی منظوری، تعلیمی اداروں میں تعطیلات بارے وزیراعلٰیٰ نے کیا کہا؟

پنجاب میں ڈاکٹرز کی بھرتی کی منظوری، تعلیمی اداروں میں تعطیلات بارے وزیراعلٰیٰ نے کیا کہا؟

باغی ٹی وی کی رپورٹ کے مطابق وزیراعلیٰ پنجاب عثمان بزدار نے کہا ہے کہ کرونا وائرس سے نمٹنے کے لئے 10 ہزار ڈاکٹر و پیرا میڈیکل سٹاف کی بھرتی کی منظوری دے دی ہے.

عثمان بزدار نے کہا کہ بیت المال کے فنڈز فوری ریلیز کر رہے ہیں تا کہ فوری ریلیز کئے جا سکیں، سکولوں کے حوالہ سے بات ہوئی، سکولوں میں فوری چھٹیاں کی جائیں اور پرائیویٹ سکولوں کی فیس کم کی جائے اس حوالہ سے ایک کمیٹی بنا دی گئی ہے جو ایک ہفتے میں فیصلہ کرے گی اس کے بعد اعلان کریں گے

وزیراعلیٰ کا مزید کہنا تھا کہ پنجاب میں 10 ہزار ڈاکٹرز، پیرا میڈیکل سٹاف کی بھرتی کی منظوری دے دی گئی ہے،ریٹائرڈ ڈاکٹر بھی بھرتی کریں گے، بلدیاتی الیکشن کے لئے بھی آرڈیننس لا رہے ہیں اس کو 9 ماہ تک کے لئے ملتوی کر رہے ہیں،

وزیراعلیٰ پنجاب کا مزید کہنا تھا کہ لوکل جو بھی ایشو ہوں گے ان کو لوکل حل کریں گے، مین نے اور کابینہ نے ایک ماہ کی تنخواہ کرونا کے لئے مختص کر دی ہے.

وزیراعلیٰ پنجاب کا مزید کہنا تھا کہ ہیلتھ ڈیپارٹمنٹ کو 11 ارب کے فنڈز ریلیز کر دیئے گئے ہیں، آلات کی خریداری کا کہا گیا ہے، وزیراعظم بھی معاشی پیکج کا اعلان کریں گے، دفعہ 144 نافذ ہے، قانون پر عملدرآمد کروائیں گے،