پنجاب پولیس متحرک،جرائم پیشہ عناصر کے گرد گھیرا مزید تنگ،کتنے ملزمان کیے گرفتار

پنجاب پولیس متحرک،جرائم پیشہ عناصر کے گرد گھیرا مزید تنگ

باغی ٹی وی کی رپورٹ کے مطابق ایس پی ماڈل ٹاؤن دوست محمد کی ہدایت پر جرائم پیشہ عناصر کے گرد گھیرا مزید تنگ کر لیا گیا

کاہنہ پولیس نے جھیڈو گاؤں میں جرائم پیشہ عناصر کیخلاف گرینڈ آپریشن کیا،اے ایس پی کاہنہ سرکل شاہ زیب نے آپریشن کی قیادت کی،آپریشن میں ریکارڈ یافتہ منشیات فروشوں سمیت مختلف جرائم میں ملوث 06 ملزمان گرفتارکرلئے گئے

ریکارڈ یافتہ ملزم اللہ رکھا سے 1370 گرام ہیروئین برآمد کی گئی،عمر نامی منشیات فروش گرفتار کر کے 1325 گرام ہیروئین برآمد کی گئی،رضوان سے شراب کی 210 بوتلوں جبکہ فریاد سے 20 لیٹردیسی شراب برآمد کی گئی ،
انور اور ضیاء اللہ سے 02 پسٹل اور گولیاں برآمد کی گئیں

ایس ایچ او کاہنہ انسپکٹر حماد اخترکا کہنا ہے کہ تمام گرفتار ملزمان کیخلاف مقدمات درج کر لئے گئے ہیں ،مزید تحقیقات شروع کر دی گئی ہیں،ایس پی ماڈل ٹاؤن دوست محمد نے آپریشن میں حصہ لینے والی پولیس ٹیموں کو شاباش دی،ایس پی ماڈل ٹاؤن دوست محمد کا کہنا ہے کہ جرائم پیشہ عناصر کیخلاف زیرہ ٹالرنس پالیسی پر عمل پیرا ہیں،