صوبہ پنجاب میں کاؤنٹر ٹیررازم ڈیپارٹمنٹ (سی ٹی ڈی) نے رواں ماہ میں پنجاب کے مختلف علاقوں میں کارروائیوں کے دوران کالعدم تنظیم سے تعلق رکھنے والے 34 دہشت گردوں کو گرفتار کر کے دہشت گردی کا بڑا منصوبہ ناکام بنا دیا۔ لاہور سے فتنہ الخوارج سمیت دیگر تنظیموں کے 11 دہشت گردوں کو گرفتار کر کے ان کے قبضے سے اہم عمارتوں کے نقشے برآمد کر لیے گئے
ترجمان کے مطابق سی ٹی ڈی پنجاب نے دہشت گردی کے کسی بھی ناخوشگوار واقعے سے موثر انداز میں نمٹنے کے لیے صوبے کے مختلف اضلاع میں انٹیلی جنس پر مبنی 242 کارروائیاں کیں، جن میں 243 مشتبہ افراد سے پوچھ گچھ کی گئی اور 34 دہشت گردوں کو اسلحہ، دھماکہ خیز مواد اور دیگر ممنوعہ مواد سمیت گرفتار کیا گیا۔
گرفتار دہشت گردوں میں زبیر ۔اسلم ۔ابوبکر ۔فدا حسین ۔فہد ۔سیف اللہ ۔عبداللہ ۔محمود الحسن ۔نفیس ۔اسرار ۔حاجی شاہ ۔کاشف۔ قاسم ۔صابر ۔رمضان ۔جنید ۔عمران ۔عرفان وغیرہ شامل ہیں، انہوں نے مزید کہا کہ دہشت گردوں کا تعلق فتنہ خوارج داعش اور دیگر تنظیموں سے ہے ، انہوں نے کہا کہ ان دہشت گردوں کی گرفتاری بھکر۔ لاہور ۔بہاول نگر ۔بہاولپور ۔۔سرگودہا ۔ناروال ۔اٹک ۔گجرات ۔رحیم یار خان ۔فیصل اباد ۔راولپنڈی میں انٹیلی جنس بیسڈ آپریشنز کے دوران کی گئی۔ دھماکہ خیز مواد 6815 گرام، ڈیٹونیٹرز 28، سیفٹی فیوز وائر 89 فٹ، ائی ای ڈی بم 4.پرائما کارڈ 3 فٹ . پستول معہ گولیاں، کالعدم تنظیم کے پمفلٹ 59، میگزین .57500 روپے نقدی دہشت گردوں کے قبضے سے برآمد کر لی ہے
ترجمان نے کہا کہ دہشت گردوں نے لاہور میں ایک سرکاری عمارت کو ٹارگٹ کرنے کا منصوبہ بنا رکھا تھا انہوں نے مزید کہا کہ گرفتار دہشت گردوں کے خلاف 28 مقدمات درج کر کے ان سے مزید تفتیش کی جا رہی ہے
انہوں نے کہا کہ اس ماہ کے دوران مقامی پولیس اور سیکیورٹی اداروں کے تعاون سے 7536 کومبنگ آپریشنز بھی کیے گئے، 235630 افراد کو چیک کیا گیا، 637 مشتبہ افراد کو گرفتار کیا گیا، 466 ایف آئی آر درج کی گئیں اور 340 بازیابیاں کی گئیں۔
