لاہور : وزیراعظم عمران خان نے قوم کی سوچ فکر میں واقعی تبدیلی پیدا کردی ، ہر شعبہ دفاع وطن کے لیے تیار بھی ہے ہوشیار بھی ہے، آج یوم دفاع پر پنجاب یونیورسٹی نے پاک فوج، پولیس کے شہداء کے بچوں کو مفت تعلیم دینے کا اعلان کردیا۔
ذرائع کےمطابق پنجاب یونیورسٹی کے وائس چانسلر نیاز احمد کا کہنا ہے کہ پاک فوج، پولیس کے شہداء کے 212 بچوں کو مفت داخلے دیئے جائیں گے، شہدا ء کے بچوں کو 5 ہزار روپے وظیفہ اور ہاسٹل کی سہولت بھی دی جائے گی۔
یوم دفاع کی تقریب پر خطاب کرتے ہوئے وائس چانسلر نے کہاکہ بی ایس آنرز اور ماسٹرز ڈگری میں بچوں کو داخلے دیئے جائیں گے، داخلے پاک فوج اور پولیس سمیت دیگر اداروں کی سفارش پر ہونگے، مفت تعلیم دینے کیلئے الگ بجٹ مختص کیا جا رہا ہے
