پنجاب یوتھ فیسٹیول کرپشن کیس،رانا مشہود کے خلاف نیب کو ملی بڑی کامیابی

پنجاب یوتھ فیسٹیول کرپشن کیس،رانا مشہود کے خلاف نیب کو ملی بڑی کامیابی
باغی ٹی وی کی رپورٹ کے مطابق رانا مشہود کےخلاف پنجاب یوتھ فیسٹیول کرپشن کیس میں نیب کو ایک اور کامیابی ملی ہے،ملزم محمد عمران نے ڈی جی نیب لاہورسلیم شہزاد کو پلی بارگین کی درخواست دےدی،

نیب ذرائع کے مطابق ملزم نےرانامشہوداورعثمان انورکےخلاف انکوائری میں اعتراف جرم کیا،ملزم نے اعتراف کیا کہ غیرقانونی طور پر یوتھ فیسٹیول کے ٹھیکے حاصل کیے،ملزم محمد عمران نے حاصل کی گئی رقم6ماہ میں واپس کرنے کی یقین دہانی کروائی،

رانا مشہور نیب پیشی کے بعد روانہ، نیب نے سوالنامہ اور اگلی تاریخ دیدی

مسلم لیگ ن کے اہم رہنما امریکہ جانے کیلیے ائیر پورٹ پہبنچے تو ایف آئی اے نے روک دیا

سابق ڈی جی سپورٹس پنجاب جسمانی ریمانڈ پر نیب کے حوالے

قبل ازیں سابق صوبائی وزیر تعلیم رانا مشہود اور سابق ڈی جی سپورٹس عثمان انور کے خلاف وعدہ معاف گواہ سید وسیم کی درخواست ضمانت منظورکر لی گئی،عدالت نے 50 لاکھ روپےکے مچلکے اور 2 شخصی ضمانتوں کے عوض درخواست ضمانت منظور کی ،جسٹس علی باقر نجفی اور جسٹس سردار احمد نعیم پر مشتمل بنچ نے درخواست ضمانت پر سماعت کی

درخواست گزار نے عدالت میں کہا تھا کہ رانا مشہور اور عثمان انور نے قومی خزانہ کو کروڑوں روپے کا نقصان پہنچایا،رانا مشہور اور عثمان انور نے فرضی کمپنیاں بناکر من پسند افراد کو ٹھیکے دیئے،

واضح رہے کہ نیب نے رانا مشہور کے دور میں اسوقت کے ڈی جی سپورٹس عثمان انور کو گرفتار کر رکھا ہے. عثمان انور سابق صوبائی وزیر رانا مشہود کے دور میں ڈی جی اسپوٹس بورڈ تھے ،پنجاب یوتھ فیسٹیول میں مبینہ طور پر کروڑوں کی کرپشن کے الزام میں نیب لاہور نے پنجاب سپورٹس بورڈ کے سابق سابق ڈی جی سپورٹس ملزم عثمان انور کو گرفتار کیا گیا تھا ، حکومت پنجاب کی جانب سے 2011 اور 2012 میں یوتھ فیسٹیول کروائے گئے جن میں مبینہ طور پر مختلف معاہدوں کی مد میں کروڑوں روپے کی کرپشن کی گئی۔ نیب کے مطابق سابق ڈی جی سپورٹس ملزم عثمان انور مبینہ طور پر اختیارات کا ناجائز استعمال کرتے ہوئے یوتھ ایونٹ کیلئے کئے گئے ٹھیکوں میں مالی بے ضابطگیوں کے مرتکب ٹھہرے، جن معاہدوں میں پیپرا رولز سے بھی انحراف کیا گیا۔