اسلام آباد: انسٹیٹیوٹ فار اکنامکس اینڈ پیس (آئی ای پی) نے اپنی سالانہ رپورٹ پیش کی ہے جس میں 2024 کے لیے دنیا کے پرامن ترین ممالک کی درجہ بندی کی گئی ہے،اس فہرست میں ممالک کی درجہ بندی کے لیے تحفظ، سکیورٹی، تنازعات اور دیگر عناصر کو مدنظر رکھا گیا تھا۔
باغی ٹی وی : رپورٹ کے مطابق آئس لینڈ 1.112 اسکور کے ساتھ مسلسل 16 ویں سال دنیا کا پر امن ترین ملک قرار پایا مگر اس سال یورپی ملک کے مجموعی اسکور میں کمی دیکھنے میں آئی، آئرلینڈ اور آسٹریا بالترتیب دوسرے اور تیسرے پرامن ترین ممالک قرار دیے گئے،آئرلینڈ گزشتہ سال تیسرے جبکہ آسٹریا 5 ویں نمبر پر تھا، نیوزی لینڈ گزشتہ سال کی طرح اس بار بھی چوتھے نمبر پر رہا جبکہ سنگاپور ایشیا کا پرامن ترین ملک قرار پایا اور 3 درجے بہتری سے 5 واں پرامن ملک قرار پایا،سوئٹزر لینڈ چھٹے، پرتگال 7 ویں، ڈنمارک 8 ویں، سلوانیا 9 ویں جبکہ ملائیشیا 10 ویں نمبر پر رہا۔
دریائے جہلم پر زیر تعمیر پل ٹوٹ گیا،سوات میں رکشہ گہری کھائی میں …
اس سال پاکستان 2 درجے بہتری سے 163 ممالک میں 140 ویں نمبر پر رہا جبکہ بھارت 116، سری لنکا 100، سعودی عرب 102، چین 88، متحدہ عرب امارات 53، امریکا 132 جبکہ بنگلادیش 93 ویں نمبر پر رہا، یمن اس فہرست میں آخری نمبر یعنی 163 ویں نمبر پر رہا جس سے اوپر سوڈان (162)، جنوبی سوڈان (161)، افغانستان (160) اور یوکرین (159) پر موجود ہیں، اسرائیل 11 درجے تنزلی سے 155 ویں نمبر پر پہنچ گیا جبکہ روس 157 ویں نمبر پر موجود ہے۔
