پچیسواں آینی ترمیم غیر آئینی طریقے سے پاس کیا گیا ہے، ہم اسے مسترد کرتے ہیں، فاٹا کو صوبہ میں ضم کرکے قبایلی عوام کا حق چھینا گیا، بسم اللہ آفریدی دیگر مشران کا ڈسٹرکٹ پریس کلب لنڈی کوتل رجسٹرڈ میں خصوصی گفتگو
فاٹا لویہ جرگہ کے سینیر رہنما بسم اللہ آفریدی نے دیگر مشران کے ساتھ ڈسٹرکٹ پریس کلب لنڈی کوتل رجسٹرڈ میں میڈیا سے خصوصی گفتگو کرتے ہوے کہا کہ فاٹا کو صوبہ میں ضم کرکے قبایلی عوام کے ساتھ دھوکا او ظلم کیا گیا ہے، ان کا کہنا تھا کہ 25 ویں آینی ترمیم کو ہم مسترد کرتے ہیں اور ہم نے تمام قبایلی ایجنسیوں میں عوام کی راے معلوم کرنے کے لیے فارمز تقسیم کیے ہیں تاکہ قبایلی عوام اجتماع طور پر اس غیر آئینی اقدام کو مسترد کریں۔
ان کا کہنا تھا کہ فاٹا انضمام سے پہلے وعدے کیے گیے لیکن وفاقی اور صوبایی دونوں حکومتوں نے قبایلی عوام کے ساتھ کیے گیے وعدے پورے نہیں کیے، نہ تو این ایف سی ایوارڈ میں حصہ دیا گیا الٹا قبایلی عوام سے نوکریوں،ٹیکس اور میڈیکل کالجوں،دیگر کالجوں میں قبایلی عوام کے لیے مختص کوٹہ سسٹم ختم کیا گیا جو قبایلی عوام کے ساتھ ظلم اور ناانصافی ہے۔ انھوں نے کہا کہ فاٹا انضمام کو مسترد کرنے کے لیے قبایلی عوام کی راے معلوم کرنے کے لیے تمام قبایلی اضلاع میں فارمز تقسیم کیے ہیں ،ان کا کہنا تھا کہ اب وقت آگیا ہے کہ قبایلی عوام تحریری اور زبانی طور پر فاٹا انضمام کو مسترد کریں۔
