مارگلہ ہلز میں آتشزدگی،سینیٹ قائمہ کمیٹی برائے موسمیاتی تبدیلی کانوٹس

مارگلہ ہلز میں آگ لگنے کے واقعات کا معاملہ،سینیٹ قائمہ کمیٹی برائے موسمیاتی تبدیلی نےنوٹس لے لیا

کمیٹی نے آگ لگنے کے واقعات پر سی ڈی اے اور وزارت موسمیاتی تبدیلی سے بریفنگ لینے کا فیصلہ کر لیا، سینیٹ کی قائمہ کمیٹی برائے موسمیاتی تبدیلی چیئرپرسن شیری رحمان کی صدارت میں اجلاس ہوا،چیئرپرسن کمیٹی سینیٹر شیری رحمان نے مارگلہ ہلز پر آگ لگنے کے واقعات کا معاملہ اٹھایا اور کہا کہ آگ بہت تیز تھی،زیادہ تر موسم کا ہی مسئلہ ہوتا کیونکہ ہوائیں تیز ہوتی ہیں، موسمیاتی تبدیلی ملک کا اہم مسئلہ ہے،

سینیٹر تاج حیدر نے ہسپتال کے بیڈ سے ویڈیو لنک کے ذریعے اجلاس میں شرکت کی،سینیٹر قراۃ العین مری اور سینیٹر زرقا سہروردی تیمور نے بھی ویڈیو لنک کے ذریعے شرکت کی،

کمیٹی نےمون سون کے حوالے سے تیاریوں پر بریفنگ کے لئے این ڈی ایم اے کو بھی بلانے کا فیصلہ کر لیا، شیری رحمان کا کہنا تھا کہ آئندہ اجلاس میں این ڈی ایم اے کو مدعو کریں گےکہ مون سون کے حوالے سے ان کی کیا تیاری ہے،محکمہ موسمیات کو بھی بلا لیں،ہم پری کاپ میٹنگ بھی کریں گے،میں نے تجویز کیا تھا کہ ایک کلائمیٹ سروس ہونا چاہئے، جیسے فارن سروس ہے، سال میں دو دفعہ پبلک ہیئرنگ کریں گے،

گدھے کے کان ،اونٹ کے پیرکاٹ رہے ہیں، معاشرہ اتنا بے رحم کیسے ہوگیا؟شیری رحمان
سینیٹر شیری رحمان کا کہنا تھا کہ گدھے کے کان کاٹ رہے ہیں،اونٹ کے پیرکاٹ رہے ہیں، معاشرہ اتنا بے رحم کیسے ہوگیا؟اسلام آباد میں بھی آلودگی کے بہت مسائل ہیں،آلودگی پر پبلک ہیئرنگ کریں گے، سینیٹر نسیمہ احسان نےکہا کہ دنیا میں پانچ ارب گاڑیاں ہیں،24 گھنٹے میں ہزاروں جہاز اڑ رہے ہیں،تھرمل سے سولر کی جانب ہم پاکستان میں کس حد تک پہنچے ہیں،

شیری رحمان کا کہنا تھا کہ پلاسٹک کتنا مضر ہے،جو مچھلی کھاتے ہیں اس میں مائیکرو پلاسٹک ہوتا ہے،یہاں ڈمپنگ ہو رہی تھی،پلاسٹک کینسر کی وجہ ہے، جو کہہ رہا ہے ری سائیکل کر رہے ہیں وہ 9 فیصد جھوٹ ہے، ری سائیکلنگ کرنے کے لئے کلیکشن پوائنٹ چاہئے ،کہاں ہے کلیکشن پوائنٹ؟ جب ہم بچے تھے تو کوئی پلاسٹک کی بوتلیں نہیں ہوتی تھیں، پانی کی قلت پر الگ سیشن منعقد کریں گے،

میٹرولوجیکل ڈیپارٹمنٹ سے بریفنگ لینگے کہ کہاں کتنی بارش کی توقع ہے اور نقصانات کا خدشہ ہے،شیری رحمان
اجلاس کے بعد چیئرپرسن سینیٹ قائمہ کمیٹی برائے ماحولیاتی تبدیلی سینیٹر شیری رحمان نے میڈیا سے گفتگو کرتے ہوئے کہا کہ آج سینیٹ کمیٹی برائے ماحولیاتی تبدیلی کا ابتدائی اجلاس تھا،تمام ارکان کی مشاورت سے سالانہ ایجنڈا تشکیل دیا جائے گا،ماحولیاتی تبدیلی، آفات، توانائی کی منتقلی، رزیلینس اور دیگر موضوعات پر مبنی ایک مربوط ایجنڈا بنانا ہے، اگلے اجلاس میں این ڈی ایم اے کو التجا کریں گے اپنی تیاری اور منصوبہ بندی کے حوالے سے آگاہ کریں، میٹرولوجیکل ڈیپارٹمنٹ سے بریفنگ لینگے کہ کہاں کتنی بارش کی توقع ہے اور نقصانات کا خدشہ ہے،گرمی سے بھی لوگوں کے فصلوں، مویشی اور پانی کی رسائی پر اثر ہوا ہے،ہمیں نقصانات سے بچنے کے لئے چوکنا رہنا چاہئے،

عزم استحکام معیشت کی مضبوطی کا ضامن۔تجزیہ، شہزاد قریشی

سکیورٹی ذرائع کے مطابق عزم استحکام آپریشن کا غلط تاثر لیا گیا

معاشی مشکلات کی وجہ سے آپریشن عزم استحکام کا فیصلہ کیا گیا ہے، خواجہ آصف

وفاقی کابینہ اجلاس میں آپریشن عزم استحکام کی منظوری

آپریشن عزم استحکام کا مقصد کیا؟ وزیراعظم آفس سے اعلامیہ جاری

آپریشن عزم استحکام کی مخالفت کر کے کیا پی ٹی آئی ملک دشمن قوتوں کی حمایت کر رہی ہے؟ شیری رحمان

ماضی کے جتنے آپریشن ہوئےانکے نتائج تو سامنے رکھیں،مولانا فضل الرحمان

ایپکس کمیٹی میں ایک نام عزم استحکام آیا لیکن آپریشن کا ذکر نہیں تھا،وزیراعلیٰ خیبرپختونخواہ

آپریشن عزم استحکام،کامیابی کیلئے اتحاد ضروری،تجزیہ: شہزاد قریشی