دوحا: قطر نے اپنے ملک میں موجود امریکی اڈوں پر ایرانی میزائل حملوں کے بعد ایران کے سفیر کو طلب کرلیا۔
عرب میڈیا کے مطابق قطری وزارت خارجہ نے گزشتہ روز ایران کی جانب سے قطر میں موجود امریکی اڈے العدید کو میزائلوں سے نشانہ بنانے پر قطر میں تعینات ایرانی سفیر کو طلب کرلیا، وزارتِ خارجہ نے حملے کی "سخت مذمت” کی اور یہ بات دہرائی کہ وہ "اس سنگین خلاف ورزی کا جواب دینے کا حق برقرار رکھتی ہے۔”
اس کے علاوہ ایران کے نائب وزیرِ خارجہ نے منگل کے روز علاقائی کشیدگی روکنے میں قطر کے "تعمیری کردار” کا شکریہ ادا کیا، وزیر مجید تخت روانچی نے یہ پیغام قطر کے وزیرِ مملکت محمد بن عبدالعزیز الخلیفی کو ایک فون کال میں دیا تخت روانچی نے کہا کہ ایران بہتر ہمسائیگی اور اعلیٰ مفادات کی بنیاد پر دونوں ممالک کے درمیان تعلقات جاری رکھنے اور مضبوط کرنے کے لیے پرعزم ہے۔
پاکستان ہاکی ٹیم کے کپتان نے اسپورٹس بورڈ کی دعوت ٹھکرا دی
دوسری جانب ترجمان ایرانی وزارت خارجہ نے کہا کہ قطر میں امریکا کی العدید بیس پرحملہ اپنے دفاع کےحق کے تحت کیا، یہ دفاعی اقدام ہمارے برادر اور دوست ہمسایہ قطر سے ہرگز متعلق نہیں تھا۔
واضح رہے کہ ایران نے امریکا کی جانب سے اپنی جوہری تنصیبات کو نشانہ بنانے پر قطر میں موجود امریکی اڈے (بیس) کو میزائلوں نے نشانہ بنایا تھا تاہم اس میں امریکی اڈے کو کوئی نقصان نہیں ہوا-
محرم الحرام کا چاند 26 جون کو نظر آنے کے امکانات ہیں، اسپارکو
