دوحہ حملہ: قطر کا اسرائیل اور حماس ثالثی سے علیحدگی کا اعلان

قطر نے اعلان کیا ہے کہ وہ غزہ جنگ بندی کے لیے اسرائیل اور حماس کے درمیان جاری ثالثی سے علیحدہ ہو رہا ہے۔

خبر ایجنسی کے مطابق قطری وزارتِ خارجہ نے کہا کہ اسرائیل کا غیر ذمہ دارانہ رویہ اور خطے کی سلامتی میں مسلسل خلل برداشت نہیں کیا جا سکتا۔وزارتِ خارجہ کے ترجمان ڈاکٹر ماجد بن محمد الانصاری نے بیان میں کہا کہ اسرائیلی فضائی حملہ نہ صرف قابلِ مذمت ہے بلکہ قطر کی خودمختاری پر حملہ اور بین الاقوامی قوانین کی کھلی خلاف ورزی ہے۔ یہ اقدام قطری شہریوں اور ملک میں مقیم باشندوں کی سلامتی کے لیے سنگین خطرہ ہے۔

ترجمان کے مطابق قطر کی سکیورٹی فورسز، سول ڈیفنس اور متعلقہ اداروں نے فوری اقدامات کیے ہیں تاکہ رہائشی علاقوں کا تحفظ یقینی بنایا جا سکے۔واضح رہے کہ اسرائیل نے دوحہ میں فضائی کارروائی کے دوران حماس کے سینیئر رہنما خلیل الحیہ کو نشانہ بنایا تھا۔ اس واقعے پر ترکی، امارات اور ایران نے بھی سخت ردعمل دیا ہے۔

آئی سی سی ٹی20 ورلڈ کپ 2026، بھارت اور سری لنکا میں شیڈول

صارفین کا ذاتی ڈیٹا آن لائن دستیابی کی خبریں، پی ٹی اے کا ردعمل

محکمۂ موسمیات کی کراچی میں آج بھی تیز بارش کی پیشگوئی

امریکا نے قطر کو پہلے ہی خبردار کیا تھا، وائٹ ہاؤس، دوحا کی تردید