یوکرینی قیدیوں کو لے کر جانے والا روسی فوج کا طیارہ گر کر تباہ ہوگیا۔
غیرملکی میڈیا کے مطابق طیارہ آج صبح روسی شہر بیلگوروڈ کے قریب گر کر تباہ ہوا، طیارت میں 65 یوکرینی قیدی، عملے کے 6 اور دیگر 3 افراد سوار تھے،طیارے گرنے کے بعد اسکو آگ لگ گئی ہے، طیارے میں گرنے والے تمام افراد کی موت ہو گئی ہے،کوئی بھی زندہ نہیں بچا
روسی وزارتِ دفاع کی جانب سے بیان میں کہا گیا ہے کہ روس کے فوجی طیارے کے تباہ ہونے کی فوری طور پر وجہ معلوم نہیں ہو سکی، تاہم تحقیقات کر رہے ہیں کہ طیارہ کیسے تباہ ہوا،روسی وزارتِ دفاع کے مطابق حکام نے حادثے کی تحقیقات کا آغاز کردیا ہے اور خصوصی ملٹری کمیشن جائے حادثہ پر روانہ ہوگیا ہے
خبر رساں ادارے روئٹرز نے روسی وزارت دفاع کے حوالے سے 65 افراد کی ہلاکت رپورٹ کی ہے۔ روئٹرز کے مطابق جہاز میں عملے کے پانچ افراد شامل تھے اور یہ 90 مسافروں کو لے جانے کی صلاحیت رکھتا ہے،یوکرین کی سرحد سے متصل یہ علاقہ حالیہ مہینوں میں یوکرین کی جانب سے مسلسل حملوں کی زد میں آیا ہے، ان میں دسمبر کا میزائل حملہ بھی شامل ہے جس میں 25 افراد ہلاک ہوئے تھے۔
بیلگورود کے علاقائی گورنر ویاچیسلاو گلاڈکوف کا کہنا ہے کہ وہ اس ’واقعے‘ سے آگاہ ہیں تاہم انہوں نے اس حوالے سے مزید تفصیلات نہیں دیں،آئی ایل-76 ایک فوجی نقل و حمل کا طیارہ ہے جو فوجیوں، کارگو، فوجی سازوسامان اور ہتھیاروں کو ہوائی جہاز کے ذریعے لے جانے کے لیے ڈیزائن کیا گیا ہے۔
