کراچی ،قیمتی اور نایاب "سوا” مچھلی ماہی گیروں نے پکڑ لی

شہر قائد کراچی کے ماہی گیروں پر قسمت مہربان ہو گئی،قیمتی اور نایاب اربوں روپے مالیت کی مچھلی پکڑ لی

کراچی کی کیٹی بندر گارہ کے قریب ماہی گیر مچھلیاں پکڑ رہے تھے کہ جال میں انتہائی قیمتی اور نایاب مچھلی” سوا” جال میں آ گئی،کوسٹل میڈیا سینٹر کے ترجمان کمال شاہ کا کہنا ہے کہ جال میں پرسوں ’سوا‘ مچھلی کا بڑا کیچ آیا ہے، 3 کشتیوں کو ’سوا‘ مچھلی کے 700 دانے ملے ہیں،

ڈبلیو ڈبلیو ایف کے تیکنیکی مشیر معظم خان کے مطابق سوا مچھلی مارچ اپریل میں انڈے دینے کے لیے جمع ہوتی ہیں، بڑی تعداد میں شکار سے ’سوا‘ مچھلی کے معدوم ہونے کا خطرہ ہے

سوا مچھلی کی قیمت 20، 25 لاکھ روپے ہوتی ہے، سوا مچھلی نایاب ہوچکی ہے، مچھلی کے پیٹ سےنکلنے والی چربی قیمتی ہوتی ہے،مچھلی کی چربی سے سرجری کے دوران استعمال ہونے والا دھاگا بنتا ہے،سوا مچھلی کا سائنسی نام ارگائیروسومس جیپونیکس ہے اس کا سائز ڈیڑھ میٹر تک ہوسکتا ہے جبکہ وزن 30 سے 40 کلو بھی ہوسکتا ہے، یہ پورا سال ہی پکڑی جاتی ہے لیکن نومبر سے مارچ تک اس کی دستیابی آسان ہوجاتی ہے کیونکہ یہ بریڈنگ سیزن ہے۔