قوم کسی حال میں خوش نہیں ہوتی،ڈیفالٹ کا اتنا ڈھنڈورا نہ پیٹیں، خدا کا خوف کریں،ملک بوستان

کراچی: چیئرمین پاکستان فاریکس ایکسچینج ایسوسی ایشن ملک بوستان نے کہا ہے کہ قوم کسی حال میں خوش نہیں ہوتی، ڈالر کا ریٹ بڑھے تو کہتے ہیں کیوں بڑھایا اور اگر حکومت ڈالر کا ریٹ نہیں بڑھاتی تو قوم کہتی ہے کہ قیمت بڑھا کیوں نہیں رہے؟-

باغی ٹی وی: کراچی میں میڈیا سے گفتگو کرتے ہوئے انہوں نے کہا کہ اس وقت حج فلائٹس کا سیزن ہے، اس لیے عازمین حج کیلئے بھی ڈالر کی ڈیمانڈ ہے۔ حج فلائٹس مکمل ہوں گی تو عید پر اوور سیز پاکستانی آئیں گے، جس سے ڈالر کا ریٹ گرے گا روز کہا جارہا ہے کہ پاکستان ڈیفالٹ کر جائے گا، ڈیفالٹ کا اتنا ڈھنڈورا نہ پیٹیں، خدا کا خوف کریں۔

انٹربینک میں ڈالر 51 پیسے جبکہ اوپن مارکیٹ میں 8 روپے مہنگا

انہوں نے کہا کہ ملک میں اس وقت 10 ارب ڈالر زرمبادلہ موجود ہے اور 28 ماہ میں پہلی بار کرنٹ اکاؤنٹ سرپلس ہوا ہے اس لیے پاکستان کے ڈیفالٹ ہونے کے دور دور تک نشان نہیں مارکیٹ میں ڈالر کے بھاؤ میں اتار چڑھاؤ آتا رہتا ہےاس سے پہلے ڈالر 315 سے 320 روپے کے درمیان چلا گیا تھا۔ اسحاق ڈار کو آگاہ کیا ہے کہ بینک کریڈٹ کارڈ ہولڈرز کے لیے ڈالر خرید رہے ہیں۔

اوپن مارکیٹ میں ڈالر کی قیمت میں بڑی کمی

انہوں نے کہا کہ وزیر خزانہ اسحاق ڈار نے ہدایت کی ہے کہ کریڈٹ کارڈ کی پیمنٹ بینک ریٹ پر ہوگی۔ کریڈٹ کارڈ کی پیمنٹ 10 سے 15 ملین ڈالر یومیہ تھی ہمارے پاس سپلائی 5 سے 7 ملین ڈالر ہے۔ مارکیٹ میں اتنا والیم نہیں تھا، جب ڈالر کی طلب آئی تو نرخ بڑھنے ہی تھے۔

سونے کی قیمت میں ہزاروں روپے کمی. ریکارڈ

ملک بوستاننے کہا کہ ان کا مزید کہنا تھا کہ آئی ایم ایف نے حکومت کو تگنی کا ناچ نچایا ہوا ہے، آئی ایم ایف روز نیا مطالبہ کرتا ہے، ان کی وجہ سے پینیک آیا ہوا ہے اور 6 ماہ سے ڈیڈ لاک ہے، وزیراعظم نے بھی بات کرلی لیکن آئی ایم ایف کی میں نہ مانو والی بات ہے، اب اللہ کا شکر ہے انہوں نے کہا ہے کہ اسٹاف لیول کی میٹنگ ہونے والی ہے۔

سونے کی قیمت میں ایک بار پھر اضافہ