وزیر اعظم شہباز شریف کی زیر صدارت قومی سلامتی کمیٹی کا اجلاس شروع ہو گیا –
اجلاس میں نائب وزیراعظم، وزیر دفاع، وزیر داخلہ، فیلڈ مارشل عاصم منیر، مسلح افواج کے اعلیٰ ترین نمائندے اور متعلقہ حکام شریک ہیں ،اجلاس میں اسرائیل ایران جنگ سے پیدا شدہ صورت حال پر غور کیا جائے گا اور اسرائیل ایران جنگ کے بالخصوص خطے کی صورتِ حال پر اثرات پر غور ہو گا۔
ذرائع کے مطابق اجلاس میں امریکا کے ایران پر حملے سے پیدا صورتِ حال پر بھی غور ہو گا۔ اس کے علاوہ خطے کی موجودہ صورتِ حال، اندرونی و بیرونی سکیورٹی امور پر غور ہو گا، اجلاس میں خطے کی صورتحال سے متعلق اہم فیصلے متوقع ہیں۔
