کوئٹہ،باغی ٹی وی (نامہ نگار زبیر خان آکاخیل)پاکستان پیپلز پارٹی ویمن ونگ بلوچستان کی سیکرٹری اطلاعات محترمہ کرن بلوچ نے ایک بیان میں کہا ہے کہ 30 نومبر کو کوئٹہ میں پیپلز پارٹی کے یوم تاسیس کا جلسہ ماضی کے تمام ریکارڈز توڑ دے گا،
جلسے کی بھرپور تیاریاں جاری ہیں، گزشتہ روز پاکستان پیپلز پارٹی کے 56 ویں یوم تاسیس کے جلسے کی تیاریوں کی سلسلہ میں صوبائی صدر میر چنگیز خان جمالی کی زیر صدارت ڈویژنل صدور ضلع و صوبائی کونسل کے اجلاس کے بعد گفتگو کرتے ہوئے سیکرٹری اطلاعات کرن بلوچ نے کہا کہ بلوچستان بھر سے جیالے 30 نومبر کو اپنے قائد بلاول بھٹو کی کال پر لبیک کہتے ہوئے کوئٹہ پہنچیں گے اورثابت کرینگے کہ بلوچستان پیپلز پارٹی کا گڑھ ہے ،
انہوں نے کہا کہ چیئرمین کا کوئٹہ میں تاریخی استقبال کیا جائے گا، انہوںنے کہاکہ تاریخ گواہ ہے کہ پاکستان پیپلز پارٹی نے ہی ملک کوہر مشکلات سے نکالا اور اب بھی ملک کو مشکلات سے صرف پیپلز پارٹی ہیں نکال سکتی ہے۔
انہوں نے کہاکہ قوم صاف اور شفاف الیکشن چاہتی ہے ،پیپلز پارٹی کو کبھی لیول پلیئنگ فیلڈ نہیں ملی، عوام نے اعتماد کیا تو بھٹو شہید کے مشن کو پورا کرتے ہوئے ملک میں عوامی راج قائم کرکے ہی دم لیں گے۔
Leave a reply
