کوٸٹہ :بی سی ایس ایگزیکٹو ویلفئیر آفیسرز ایسوسی ایشن کے عمائدین کی مشترکہ پریس کانفرنس

کوئٹہ ،باغی ٹی وی (نامہ نگار زبیرخان آکاخیل)بی سی ایس ایگزیکٹو ویلفئیر آفیسرز ایسوسی ایشن کے عمائدین کی مشترکہ پریس کانفرنس
پورے بلوچستان کے تمام سٹیک ہولڈرز، جیسے کہ معزز عدلیہ ، سیاسی اکابرین، سول سوسائٹی، سول سروس کے آفیسرزاور حکومتی حلقوں کی توجہ ایک اہم مسئلہ کی طرف مبذول کرانا ہے۔
پاکستان میں سی ایس ایس یا مقابلہ کے امتحانات پاس کر کے وفاقی سطح پر مختلف سروس گروپ تشکیل پاتے ہیں، جن میں پاکستان ایڈمنسٹریٹو سروس ( جسے ڈی ایم جی سروس) کہا جاتا تھا ،

صوبائی سطح پر مقابلے کے امتحانات کے نتیجے میں بلوچستان سول سروس ایگزیکٹو برانچ اور بلوچستان سیکرٹریٹ سروس (بی ایس ایس) وجود میں آتے ہیں۔
مقابلے کا امتحان بلوچستان پبلک سروس کمیشن کے ذریعے منعقد ہوتا ہے،میرٹ کی بنیاد پر ان امیدواروں کو دو مختلف گروپس میں تعینات کیا جاتا ہے، پھر اسی طرح ان کے کام کے مطابق مخصوص ٹریننگ دی جاتی ہے،سیکشن آفیسر صرف سول سیکرٹریٹ کے لئے بھرتی ہوتے ہیں، ان کی جاب ڈسکرپشن بھی یہی ہے اور اسٹنٹ کمشنر فیلڈ کے لئے بھرتی ہوتے ہیں،

مذکورہ دونوں سروسز کے آفیسرز کی ٹریننگ، فیلڈ اٹیچمنت، محکمانہ امتحان وغیرہ سب کچھ علحیدہ ہے، ایک گروپ کی ٹرانسفر پوسٹنگ علیحدہ ہوتی ہے اور وہ ایک الگ کیڈر کے طور پر اپنا وجود رکھتا ہے۔