کوئٹہ میں غیر قانونی طور پر مقیم افغان مہاجرین کے خلاف کریک ڈاؤن کا سلسلہ جاری ہے، پولیس اور ضلعی انتظامیہ نے کارروائیوں کے دوران 200 سے زائد افغان باشندوں کو گرفتار کر لیا۔
ذرائع کے مطابق یہ کارروائیاں کوئٹہ کے مختلف علاقوں میں کی گئیں جہاں غیر قانونی طور پر رہائش پذیر افغان شہریوں کو حراست میں لیا گیا۔انتظامیہ نے بتایا کہ گرفتار افغان باشندوں کو چمن منتقل کیا جائے گا، جہاں سے انہیں افغانستان بھیج دیا جائے گا۔حکام کے مطابق اب تک چمن کے راستے 1 لاکھ 75 ہزار سے زائد افغان شہریوں کو واپس افغانستان بھجوایا جا چکا ہے۔دوسری جانب پاک افغان بارڈر کی بندش کے باعث 422 کنٹینرز سرحد پار نہ کر سکے.
وزیراعظم سے محسن نقوی کی ملاقات، امن و امان کی صورتحال پر بریفنگ
