سیکیورٹی فورسز نے کوئٹہ کے مضافاتی علاقے غزا بند میں بھارتی سپانسرڈ دہشتگردوں کے خلاف کامیاب مشترکہ آپریشن کیا ہے۔ مشترکہ انٹیلی جنس بیسڈ آپریشن بھارتی سپانسرڈ دہشتگردوں کی موجودگی کی مصدقہ اطلاعات پر کیا گیا۔
ذرائع کے مطابق، غزا بند کے پہاڑی علاقوں میں موجود دہشتگرد مختلف دہشتگردانہ کارروائیوں میں ملوث تھے۔ سیکیورٹی فورسز کیساتھ شدید فائرنگ کے تبادلے میں 10 دہشتگرد ہلاک ہوگئے۔ دہشتگردوں کی فائرنگ سے سیکیورٹی فورسز کے 2 اہلکار بھی زخمی ہوئے،ذرائع نے بتایا ہے کہ کامیاب آپریشن کے دوران ہلاک دہشتگردوں سے بھاری تعداد میں اسلحہ و گولہ بارود بھی برآمد ہوا۔سیکیورٹی فورسز اور قانون نافذ کرنے والے ادار وں نے ملک سے دہشتگردی کے خاتمے کےعزم کا اعادہ کیا ہے۔
