سپریم کورٹ رجسٹری میں پیر 14 جولائی سے کیسز کی سماعت کا آغاز ہوگا، جس کے لیے کاز لسٹ جاری کر دی گئی ہے۔ چیف جسٹس یحییٰ آفریدی کی سربراہی میں تین رکنی بینچ 18 جولائی تک کوئٹہ رجسٹری میں مختلف مقدمات کی سماعت کرے گا۔
سپریم کورٹ کے جاری کردہ روسٹر کے مطابق، جسٹس مسرت ہلالی اور جسٹس شکیل احمد بھی چیف جسٹس کے ہمراہ بینچ کا حصہ ہوں گے۔
عدالتی شیڈول کے تحت 14 سے 16 جولائی کے دوران تین رکنی بینچ 60 کیسز کی سماعت کرے گا۔17 جولائی کو سپریم کورٹ کے دو بینچز کوئٹہ رجسٹری میں کیسز کی سماعت کریں گے۔بینچ نمبر 1 میں چیف جسٹس یحییٰ آفریدی اور جسٹس شکیل احمد شامل ہوں گے، جبکہ بینچ نمبر 2 جسٹس جمال مندوخیل اور جسٹس مسرت ہلالی پر مشتمل ہوگا۔
18 جولائی کو ایک بار پھر چیف جسٹس یحییٰ آفریدی کی سربراہی میں تین رکنی بینچ سماعت کرے گا، جس میں جسٹس مسرت ہلالی اور جسٹس شکیل احمد شامل ہوں گے۔سپریم کورٹ کے بینچز مجموعی طور پر 14 سے 18 جولائی کے دوران 111 کیسز کی سماعت کریں گے۔
حمیرا اصغر کی موت کیسےہوئی ؟پولیس کی تحقیقاتی ٹیم تشکیل
