کوئٹہ میں دھماکا،6 افراد جاں بحق

کوئٹہ میں گیس لیکج کے دھماکے میں 6 افراد جاں بحق ہو گئے۔

باغی ٹی وی: ریسکیو ذرائع کے مطابق کوئٹہ کے علاقے سکی کلاں میں ہونے والے گیس لیکج کے دھماکے میں جاں بحق ہونے والوں میں 2 خواتین اور 4 بچے شامل ہیں۔

7 سالہ بچی کا زیادتی و بدفعلی کے بعد قتل،ملزم گرفتار

دھماکے میں 4 افراد زخمی بھی ہوئے جنہیں فوری طور پر قریبی اسپتال منتقل کیا گیا جہاں انہیں طبی امداد دی جا رہی ہے۔

واضح رہے کہ گزشتہ روز بلوچستان کے ضلع کچھی کے علاقے کنبڑی کے پل کے قریب بلوچستان کانسٹیبلری کی وین پر دھماکے کے نتیجے میں 9 سیکیورٹی اہلکار شہید جبکہ 13 زخمی ہوئے تھے-

دبئی میں موجود بھتہ خور گینگ کا ملزم کلاکوٹ سے گرفتار

بولان پولیس کا کہنا تھا کہ دھماکے کے نتیجے میں بلوچستان کانسٹیبلری کا ٹرک الٹ گیا تھا بلوچستان کانسٹیبلری کے اہلکار سبی میلے میں ڈیوٹی انجام دینے کے بعد کوئٹہ واپس آ رہے تھے کہ بولان کے علاقے میں دھماکے کا شکار ہو گئےدھماکے کے فوری بعد پولیس اور قانون نافذ کرنے والے اداروں کے اہلکار اور ریسکیو ٹیمیں دھماکے کی جگہ پہنچ گئیں۔

دھماکا موٹرسائیکل پر خودکش حملہ آور نے کیا تھا جس میں 9 جاں بحق جبکہ 13 زخمی ہوگئے ہیں، دھماکے میں زخمی ہونے والے 3 افراد کی حالت تشویشناک تھی جنہیں سی ایم ایچ سبی منتقل کردیا گیا ۔

بولان میں بلوچستان کانسٹیبلری وین کے قریب دھماکا، 9 اہلکار شہید