منڈی بہاؤلدین (باغی ٹی وی نامہ نگار افنان طالب عرف چاندی)ضلع منڈی بہاؤلدین کے گاؤں سیویا کے رہائشی اعجاز احمد ولد حاجی محمد اسلم، جو گزشتہ روز سعودی عرب میں انتقال کر گئے تھے، ان کا ختم شریف کل جامع مسجد گلزار مدینہ میں عقیدت و احترام سے ادا کیا گیا۔
ختم شریف کا آغاز تلاوت قرآن پاک سے ہوا، جس کے بعد نعت خوانی اور علامہ مفتی عمر شریف جلالی (پی ایچ ڈی اسکالر) نے خطاب کیا اور زندگی و موت کی حقیقت پر روشنی ڈالی۔ تقریب میں مرحوم کے عزیز و اقارب، دوست احباب اور مقامی معززین نے شرکت کی اور مرحوم کے لیے فاتحہ خوانی کے بعد مغفرت کی دعائیں کیں۔ بیرون ملک مقیم دوستوں نے بھی گہرے دکھ اور افسوس کا اظہار کیا۔
