کراچی: ایس پی گلشن سید عبدالرحمٰن کی زیرِ صدارت عید میلادالنبی ﷺ کے مرکزی جلوس کی سیکیورٹی کے حوالے سے میٹنگ منعقد ہوئی۔
باغی ٹی وی کی رپورٹ کے مطابق میٹنگ میں اہلِ سنت والجماعت کے علماء کرام، جلوسوں کے منتظمین اور گلشن ڈویژن کے افسران نے شرکت کی۔علماء کرام اور جلوسوں کے منتظمین نے اپنے اپنے سیکیورٹی مسائل سے ایس پی گلشن کو آگاہ کیا۔ایس پی گلشن نے ایس ایچ اوز کو ہدایت کی کہ ماہِ ربیع الاول کے جلوسوں کو فل پروف سیکیورٹی فراہم کی جائے۔ایس پی گلشن نے میٹنگ کے شرکاء کو یقین دلوایا کہ ڈسٹرکٹ ایسٹ پولیس چوبیس گھنٹے آپ سے رابطے میں رہے گی۔
