کیا منفی 4 کے مقابلے میں منفی 1 چھوٹا ہوتا ہے؟ ریڈیو پاکستان نے بتا دیا

بھارت کی طرف پاکستانی علاقوں گلگت بلتستان، میر پور اور مظفرآباد کے موسم کا حال آل انڈیا ریڈیو اور دور درشن پر پیش کرنے کے اعلان کے بعد ریڈیو پاکستان نے بھی گلگت کے موسم کی رپورٹ پیش کرنا شروع کر دی ہے لیکن گزشتہ روز گلگت کےشہر لداخ موسم کا جو حال پیش کیا گیا اس نے تمام پڑھے لکھے افراد کو اپنے میتھ کی کتابیں کھولنے پر مجبور کر دیا۔ ریڈیو پاکستان نے ٹوئٹر پر لداخ میں زیادہ سے زیادہ درجہ حرارت منفی چار ڈگری بتایا جب کہ ریڈیو ٹوئٹر اکاؤنٹ کے مطابق کم سے کم درجہ حرارت منفی ایک ڈگری رہا۔ میتھ کے مطابق منفی کے ساتھ اگر عدد بڑھتا رہے تو وہ کم سے کم ہوتا جاتا ہے جب کہ ریڈیو کے ارباب اختیار کا میتھ اس کے برعکس ہے۔ بھارتی میڈیا نے ریڈیو پاکستان کی اس جلد بازی کو فوری طور پر اپنی خبروں کی ہیڈ لائیز میں شامل کر لیا جس کے بعد ریڈیو پاکستان نے اپنے اس ٹویٹ کو ہٹا دیا۔