گزشتہ رات بھارت کی جانب سے پاکستان کے پانچ مقامات پر میزائل داغے جانے کے بعد عالمی سطح پر فرانسیسی کمپنی کی شہرت کو دھچکا لگا ہے۔ بھارت کی جانب سے اس حملے کے جواب میں پاک فضائیہ نے اپنے جنگی طیاروں کے ذریعے جوابی کارروائی کرتے ہوئے بھارت کے چھ جنگی طیارے رافیل طیاروں سمیت اور ایک ڈرون مار گرایا۔
خیال رہے کہ مار گرائے جانے والے بھارتی طیاروں میں فرانسیسی ساختہ 3 جدید رافیل لڑاکا طیارے بھی شامل تھے۔ یہ طیارے بھارت نے حالیہ برسوں میں فرانس سے خریدے تھے اور ان کا شمار جدید ترین لڑاکا طیاروں میں کیا جاتا ہے۔پاکستان کی جانب سے بھارت کے جنگی طیاروں کی تباہی کے بعد فرانسیسی کمپنی کے عالمی مارکیٹ میں شیئرز میں کمی دیکھنے کو ملی ہے۔ رافیل طیارے کی تیاری کرنے والی کمپنی، جس نے بھارت کو یہ طیارے فراہم کیے تھے، کی مارکیٹ ویلیو متاثر ہوئی ہے، کیونکہ ان طیاروں کی ہزیمت نے عالمی سطح پر ان کی شہرت کو نقصان پہنچایا ہے۔
پاکستان کی کامیاب کارروائی اور بھارت کے جدید رافیل طیاروں کی تباہی نے نہ صرف بھارتی فضائیہ کی صلاحیتوں کو سوالیہ نشان بنا دیا بلکہ عالمی سطح پر بھی اس واقعے نے ایک نیا تنازعہ جنم لیا ہے جس کا اثر فرانسیسی کمپنی کی عالمی مارکیٹ پر پڑ رہا ہے۔
