دبئی: سپیشل انویسٹمنٹ فیسیلیٹیشن کونسل (SIFC) دبئی میں پانچ سے سات نومبر پاکستان نے انویسٹمنٹ روڈ شو کی میزبانی کی، یہ تقریب پاکستان کی صلاحیات کو پیش کرنے اور معیشت کے اہم شعبوں میں عالمی سرمایہ کاری کو راغب کرنے کے لیے منفرد توجہ کے ساتھ منعقد کی گئی۔
افتتاحی دن، روڈ شو نے بڑی تعداد میں عالمی تاجروں اور سرمایہ کاروں کو اس تقریب کی طرف راغب کیا۔ SIFC کے عہدیداروں نے SIFC کے زیر اہتمام پاکستان میں بے پناہ امکانات اور سرمایہ کاری کے مواقع کو اجاگر کرتے ہوئے عالمی سرمایہ کاروں کے ساتھ ملاقاتیں کیں۔ SIFC کے تحت منصوبوں کو اہم شعبوں میں ممکنہ سرمایہ کاری کو راغب کرنے کے لیے تیار کیا گیا تھا۔ SIFC کے اس اقدام نے بہت زیادہ توجہ حاصل کی اور مصروفیات کے دوران، سرمایہ کاروں کی کمیونٹی کو SIFC پلیٹ فارم کے ذریعے ملک میں سرمایہ کاری کے ماحول کو تبدیل کرنے کے بارے میں بصیرت فراہم کی گئی۔ پلیٹ فارم کا استعمال کرتے ہوئے، 30 پاکستانی فرموں نے اپنے پراجیکٹ کی تجاویز اور حکمت عملیاں پیش کیں جن میں زراعت، آئی ٹی اور توانائی سمیت مختلف ڈومینز شامل تھیں۔
اس تقریب میں ایک سٹرکچرڈ پینل ڈسکشن بھی شامل تھی، جس میں سرکاری اور نجی ماہرین نے شمولیت کی اور پاکستان کی ابھرتی ہوئی منڈیوں کے مقابلے میں سرمایہ کاری کے منظر نامے کی ترکیب اور مواقع سے فائدہ اٹھانے کے امکانات پر راۓ دی۔ جاری میگا روڈ شو ملکی تاریخ میں اپنی نوعیت کا پہلا شو ہے جو عالمی سطح پر غیر ملکی سرمایہ کاری کو متحرک کرے گا اور توقع ہے کہ SIFC کی کوششوں کی ترغیب میں معاون ہو گا۔
رپورٹ، محمد اویس، اسلام آباد
