لاہور:کسی کوقانون ہاتھ میں لینے کی اجازت نہیں دی جاسکتی، راجہ بشارت نے واضح پیغام دے دیا ،اطلاعات کے مطابق وزیر قانون پنجاب راجہ بشارت کا کہنا ہے کہ کسی کو قانون ہاتھ میں لینے کی اجازت نہیں دی جاسکتی، وکلاء ،ڈاکٹرزدونوں کو ذمہ دارانہ رویے کا مظاہرہ کرنا چاہیے تھا۔
قانون کے رکھوالے وکلاء نے پنجاب کارڈیالوجی میں ہنگامہ اورتوڑپھوڑکرکے تباہی مچادی
پنجاب کابینہ کمیٹی برائے امن وامان کا اجلاس وزیر قانون پنجاب راجہ بشارت کی زیرصدارت میں ہوا۔ اجلاس میں قانون نافذ کرنے والے اداروں نے پی آئی سی واقعے کا ذمہ دار وکلاء کو ٹھہرا دیا۔بریفنگ کے دوران بتایا گیا کہ سیکڑوں وکلاء نے پی آئی سی پر دھاوا بولا، سرکاری املاک کو نقصان پہنچایا، ڈاکٹرز، مریضوں اور ان کے اہل خانہ کو زدوکوب کیا گیا۔
3 لاکھ 73 ہزار58 پیکٹ گٹکا بھٹی میں جلا کرتلف، پنجاب فوڈ اتھارٹی حرکت میں آگئی
وزیر قانون پنجاب نے کہا کہ کابینہ کمیٹی کی رپورٹ کچھ دیر میں وزیراعلیٰ پنجاب کو پیش کر دی جائی گی۔ انہوں نے کہا کہ کسی کو قانون ہاتھ میں لینے کی اجازت نہیں دی جاسکتی، وکلاء ،ڈاکٹرزدونوں کو ذمہ دارانہ رویے کا مظاہرہ کرنا چاہیے تھا۔واضح رہے کہ وکلاء کی جانب سے آج پنجاب انسٹیٹیوٹ آف کارڈیالوجی کے اندر گھس کر توڑ پھوڑ کی گئی اور ڈاکٹروں کو تشدد کا نشانہ بنایا گیا۔