راجہ مہتاب خان کے گھر پولیس گردی قابل مذمت،شہزاد قریشی کا کاروائی کا مطالبہ

اسلام آباد،روزنامہ اوصاف،باغی ٹی وی کے تجزیہ نگار شہزاد قریشی نے اوصاف گروپ کے چیئرمین راجہ مہتاب خان اور سی ای او اے بی این نیوز اور گروپ ایڈیٹر اوصاف محسن بلال خان کے گھرپولیس گردی کی شدید الفاظ میں مذمت کی ہے اور کہا ہے کہ راجہ مہتاب خان نے اوصاف یا اے بی این نیوز میں کوئی بھی خبر یا ٹکر ایسانہیں چلایا جس سے خدا نخواستہ ملکی سلامتی پر کوئی آنچ آئے ،راجہ مہتاب خان ایک محب وطن صحافی ہیں،جنہوں نے ملکی سلامتی کو ہمیشہ مقدم رکھا ہے اپنے اخبار اور چینل پر اسلامی اقدار،ملک کی نظریاتی سرحدوں اور وقار کو ملحوظ خاطر رکھاہے،اس طرح کی پولیس گردی کو کسی صورت برداشت نہیں کیا جاسکتا،وزیر اعظم انوارالحق کاکڑ،آرمی چیف جنرل حافظ سید عاصم منیر اورچیف جسٹس آف پاکستان جسٹس قاضی فائز عیسیٰ فوری طور پر نوٹس لیں اور ذمہ داروں کے خلاف کارروائی کے احکامات دیں

واضح رہے کہ اوصاف براڈ کاسٹنگ نیوز نیٹ ورک کے چئیرمین راجہ مہتاب خان کے گھر اسلام آباد پولیس نے مبینہ طور پر دھاوا بولا،گارڈ کو مارا گھر کے دروازے توڑے گئے ،مسلح پولیس اہلکار رہائشگاہ میں گھومنے کے بعد نکل گئے، پولیس اہلکاروں نے چادر و چاردیواری کا تقدس پامال کیا ہے،پولیس وردی میں ملبوس 18 سے زائد اہلکاروں نے 20 دسمبر کی شب دھاوا بولا، گارڈ پر تشدد بھی کیا گیا،