نیشنل سائبر کرائم انویسٹی گیشن ایجنسی (این سی سی آئی اے) نے معروف یوٹیوبر رجب بٹ کو آن لائن جوئے کی ایپس کی تشہیر اور مالی گھپلوں کے الزامات پر 9 ستمبر کو طلب کر لیا۔
این سی سی آئی اے کے نوٹس کے مطابق رجب بٹ پر الزام ہے کہ وہ آن لائن ٹریڈنگ ایپس کے ذریعے سرمایہ کاری کی ترغیب دینے، سوشل میڈیا پلیٹ فارمز پر جوئے کی ایپس کی تشہیر، اور معصوم افراد کی کمائی لوٹنے کے لیے ایک منظم اسکیم چلانے میں ملوث ہیں۔انہیں ہدایت دی گئی ہے کہ وہ لاہور دفتر میں اسسٹنٹ ڈائریکٹر شعیب ریاض کے سامنے صبح 11 بجے پیش ہو کر بیان ریکارڈ کرائیں، بصورت دیگر یکطرفہ کارروائی عمل میں لائی جائے گی۔
ادھر رجب بٹ کے وکیل بیرسٹر میاں علی اشفاق نے کہا ہے کہ ان کی لا فرم یوٹیوبر کی نمائندگی کرے گی اور 9 ستمبر کو تحریری جواب جمع کرایا جائے گا۔ ان کے بقول کیس کا ہر پہلو دیکھ کر قانون کے مطابق مکمل دفاع کیا جائے گا۔
اسلام آباد سمیت مختلف شہروں میں زلزلے کے جھٹکے
بھارتی فوج سرحدی علاقوں میں، پاک فوج نے ڈرون مار گرایا، سیلاب سے مارنے کی تیاری
پاکستانی فضائی حدود کی بندش، اسپائس جیٹ کو مسلسل نقصان
حماس نے دو اسرائیلی یرغمالیوں کی تازہ ویڈیو جاری کردی
