راجن پور(باغی ٹی وی)ڈاکوؤں کی فائرنگ سے ایک پولیس اہلکار شہید اور ایک زخمی
پولیس ذرائع کے مطابق راجن پور کے علاقے جام پورمیں پولیس ٹیم ایک گھر پر اشتہاری ڈاکوؤں کی موجودگی کی اطلاع پر پہنچی تو ڈاکوؤں نے پولیس پر فائرنگ کردی۔
پولیس ترجمان کے مطابق ڈی پی او راجن پور دوست محمد کا واقعہ کا فوری نوٹس ، ڈی پی او راجن پور ڈپٹی کمشنر راجن پور کے ہمراہ زخمی کانسٹیبل کی عیادت کے لیئے فوری ہسپتال پہنچ گئے،
آئی جی پنجاب ڈاکٹر عثمان انور کا شہید کانسٹیبل محمد تنویر کی لازوال قربانی کو خراج عقیدت،کانسٹیبل محمد تنویر سے شہریوں کی جان و مال کی حفاظت کے دوران جام شہادت نوش کیا، شہید کانسٹیبل محمد تنویر کے اہل خانہ کو تنہا نہیں چھوڑیں گے،
انسپکٹر جنرل (آئی جی) پنجاب ڈاکٹر عثمان انور نے شہید کانسٹیبل کے اہل خانہ کی مدد کا اعلان کیا اور زخمی پولیس اہلکار کوبہترین علاج معالجے کی فراہمی کی ہدایت کی۔
