معروف بھارتی اداکار و سیاستدان رجنی کانت کی طبیعت میں پہلے سے کافی بہتری آنے لگی۔
باغی ٹی وی : بھارتی میڈیا رپورٹس کے مطابق گزشتہ روز بلڈ پریشر میں اتار چڑھاؤ کے باعث حیدرآباد کے اسپتال میں داخل ہونے والے بھارتی اداکار و سیاستدان رجنی کانت کی طبیعت میں بہتری آئی ہے۔
اس حوالے سے اسپتال ذرائع نے بھارتی میڈیا کو بتایا کہ رجنی کانت کے بلڈ پریشر کی سطح میں ابھی بھی شدید اتار چڑھاؤ ہے۔
واضح رہے کہ لیجنڈری اداکار رجنی کانت حیدرآباد میں اپنی فلم ’اناتھی‘ کے لیے موجود تھے جس کی شوٹنگ چند روز قبل کریو ارکان میں کورونا وائرس کی تشخیص کے بعد روک دی گئی تھی۔
حیدرآباد اپولو اسپتال نے رجنی کانت کی صحت پر کہا ہے کہ بھارتی معروف اداکاری رجنی کانت میں کورونا وائرس کی علامات نہیں پائی گئی ہیں ،بی پی لو ہے اور اسی وجہ سے انہیں اسپتال میں داخل کرایا گیا ہے۔ڈاکٹروں کی ٹیم علاج معالجہ کر رہی ہے، طبیعت بہتر ہونے پر ہسپتال سے فارغ کر دیا جائے گا-
