پاکستانی نوجوان سے شادی کی خواہاں بالی ووڈ کی متنازع اداکارہ راکھی ساونت کو پاکستانی نوجوان کا رشتہ مل گیا۔
باغی ٹی وی: انسٹاگرام پر ایک ویڈیو وائرل ہو رہی ہے جس میں راکھی ساونت کو پاکستانی صحافی سے ٹیلی فونک گفتگو کرتے ہوئے سنا جاسکتا ہےوائرل ویڈیو میں راکھی ساونت کو کہتے ہوئے سنا جا سکتا ہے کہ پاکستانی نوجوان اداکار دودی خان کی جانب سے پروپوزل آیا ہے اور میں نے ہاں بھی کر دی ہے، پاکستان میں شادی سے دونوں ممالک کے درمیان بھائی چارہ پیدا ہو گا۔
راکھی ساونت نے کہا کہ میں نے ابھی یہ نہیں سوچا کہ شادی کے بعد بچے کہاں پیدا ہوں گے اور ان کی قومیت کیا ہو گی؟مجھے مکہ مدینہ جانے والا دیندار لڑکا چاہیے تھا، پاکستانی لڑکے بہت دیندار ہوتے ہیں، مجھے 5 وقت کا نمازی اور مولانا ٹائپ کا لڑکا چاہیے تھا۔
اعلیٰ سطحی امریکی سرمایہ کاروں کے وفد کی پاکستان آمد،ماحول امریکی صدر کیلئے سازگار قرار
ٹائمز آف انڈیا ٹی وی کو ایک انٹرویو دیتے ہوئے راکھی ساونت کا کہنا ہےکہ میں تیسری دفعہ شادی کے لئے تیار ہوں جب میں پاکستان گئی تو انہوں نے دیکھا کہ مجھے اپنی پچھلی دو شادیوں میں کتنا ہراساں کیا گیا تھاانہوں نے پاکستانی شہریوں کی تعریف کرتے ہوئے کہا کہ میرے بہت سارے مداح پاکستانی ہیں اور انہوں نے ہمیشہ میرے کام کو سراہا انہوں نے کہا کہ بھارتی اور پاکستانی ایک دوسرے کے بغیر کچھ نہیں۔
انہوں نے انکشاف کیا کہ ان کے ممکنہ شوہر دودی خان ایک پولیس افسر اور اداکار ہیں اور شادی جلد پاکستان میں اسلامی رسم ورواج کے مطابق ہوگی جبکہ ریسیپشن بھارت میں ہوگا۔ہنی مون ہم نے ہالینڈ یا سوئٹزر لینڈ میں منانے کا فیصلہ کیا ہے۔
شادی کیلئے کراچی پہنچنے والی امریکی خاتون کو پاکستانی نوجوان کا دھوکا
راکھی کا مزید کہنا تھا کہ بہت سے پاکستانی اور بھارتی جوڑے شادی کر کے امریکا اور دبئی میں آباد ہو چکے ہیں اور اچھی زندگی گزار رہے ہیں ہم دونوں دبئی میں آباد ہوں گے اسپورٹس لیجنڈ ثانیہ مرزا کی سرحد پار شادی کا حوالہ دیتے ہوئے انہوں نے ان کے فیصلے کی تعریف کی لیکن انہوں نے ان کی طلاق کی وجوہات پر تبصرہ کرنے سے گریز کیا بھارتیوں اور پاکستانیوں کے درمیان شادی اتحاد کی علامت ہے اور یہ دونوں ممالک کے درمیان تعلقات کو مضبوط بنانے کی صلاحیت رکھتی ہے۔
واضح رہے کہ اس سے قبل راکھی ساونت نے اپنے انسٹاگرام پر ایک وائرل ویڈیو شیئر کی تھی جس میں پاکستانی اداکار دودی خان انہیں شادی کے لیے پروپوز کر رہے ہیں دودی خان نے کی اس ویڈیو میں انہوں نے راکھی ساونت کو عمرے کی مبارک باد دینے کے بعد سوال کیا کہ بارات لے کر بھارت آؤں یا دبئی؟-
سندھ ہائیکورٹ کے 12 نئے ججز کل حلف اٹھائیں گے
دودی خان کا ایک تعلق کاروباری خاندان سے بھی ہے، وہ خود اپنے خاندانی کاروبار کو سنبھالنے کے ساتھ ساتھ ماڈلنگ و اداکاری کر تے ہیں انہوں نے مختلف کمرشلز کے ساتھ ساتھ قومی و بین الاقوامی پروجیکٹس میں اداکاری کے جوہر دکھائے ہیں، دودی خان ڈرا مہ سیریل میرے ہم نشیں، اکھاڑا، بلبلے کے علاوہ فلم درج، گھبرانہ نہیں ہے اور چوہدری میں کام کر چکے ہیں۔
46 سالہ اداکارہ جن کی پہلے دوشادیاں ناکام ہوچکی ہیں نے اب پاکستان میں شادی کرنے کا فیصلہ کیا ہے ان کی پہلی شادی رتیش سنگھ سے ہوئی تھی انہوں نے شادی خفیہ رکھنے کی کوشش کی تاہم ’’بگ باس ’’ میں رتیش سنگھ کے ساتھ شرکت کے بعد شادی کا راز افشاں ہوگیایہ شادی کچھ عرصے ہی قائم رہ سکی کیونکہ دونوں کی انائیں بہت بڑی تھیں۔
معمر رانا کی حفاظت اور دیکھ بھال ہم سب کی ذمہ داری ہے،میرا
دوسری شادی انہوں نے عادل خان درانی سے کی اور اس کے لئے راکھی نے بہت بڑی قربانی دے کر مشرف بہ اسلام بھی ہوگئیں اور عمرے کے لئے بھی گئیں تاہم بوجوہ یہ شادی بھی ٹوٹ گئی لیکن اس کا انجام اتنا خوشگوار نہیں رہا ایک دوسرے پر الزامات لگائے گئے اور عادل خان درانی کو جیل کی ہوا بھی کھانی پڑی لیکن دوبار گھر بسانے کی ناکام کوشش کے بعد اب راکھی ساونت بڑی حد تک پرامید ہیں۔
یاد رہے کہ کچھ دن قبل پاکستانی یوٹیوبر کو دیے گئے انٹرویو میں راکھی ساونت نے ہانیہ عامر، ڈانسر نرگس اور دیدار کو پاکستانی گانوں پر ڈانس کے مقابلے کا چیلنج دیا تھا۔ راکھی ساونت نے پاکستانی ڈانسرز اور اداکاراؤں کو ڈانس چیلنج کرتے ہوئے دعویٰ کیا تھا کہ وہ پاکستانی رقاصاؤں کو پیچھے چھوڑ دیں گی۔
پنڈت کی بھائی کے ساتھ ملکر شوہرکے سامنے خاتون کیساتھ اجتماعی زیادتی
راکھی ساونت کا کہنا تھا کہ وہ ہانیہ عامر، ڈانسر دیدار اور رقاصہ نرگس کو بیک وقت پیچھے چھوڑ دیں گی، پاکستانی اداکارائیں ان جیسا ڈانس نہیں کر سکتیں۔ان کا کہنا تھا کہ وہ مسلسل 24 گھنٹے تک ڈانس کر سکتی ہیں اور ان کا چیلنج ہے کہ کوئی بھی ان سے ڈانس میں آگے نہیں جا سکتا اگر وہ اور پاکستانی اداکارائیں ڈانس مقابلہ کریں گی تو دیکھنے والے پانی پانی ہوجائیں گے، ان سے ڈانس دیکھا نہیں جائے گا۔
