Ayesha Rehmani
بھارتی اداکارہ و رقاصہ راکھی ساونت کی مزاحیہ ویڈیو سوشل میڈیا پر گردش کرر ہی ہے-
باغی ٹی وی: فوٹو اینڈ ویڈیو شیئرنگ ایپ انسٹاگرام پر بھارتی رقاصہ کی 2 مختلف ویڈیوز وائرل ہو رہی ہیں پہلی ویڈیو میں انہیں تھائی لینڈ کے شہر پٹایا کے ٹرمینل 21 پر دیکھا جا سکتا ہے، تاہم اداکارہ ازراہِ مذاق کہہ رہی ہیں کہ میں پاکستان پہنچ گئی ہوں اور ابھی لاہور ایئر پورٹ پر موجود ہوں-
ویڈیو میں راکھی اداکارہ ہانیہ عامر کو مخاطب کرتے ہوئے کہتی ہیں کہ میری فلائٹ تاخیر کا شکار تھی ہانیہ! تم 2 گھنٹے میرا انتظار کر کے چلی گئیں، مجھے اپنے سوٹ کیس نکالنے میں وقت لگ گیا، میں تمہارے ساتھ رہنے اور پاکستانی شوبز انڈسٹری میں کام کرنے کے لیے پاکستان پہنچ گئی ہوں۔
آزاد کشمیر کا نوجوان غلطی سے لائن آف کنٹرول عبور کرگیا
اس کے علاوہ ان کی ایک اور ویڈیو بھی وائرل ہو رہی ہے جس میں انہیں وسیم اکرم کے ساتھ تصویر بناتے ہوئے دیکھا جا سکتا ہے، جبکہ ویڈیو کے کیپشن پر ہندی میں لکھا ہے کہ راکھی ساونت حقیقی معنوں میں پاکستان پہنچ گئی ہیں۔
واضح رہے کہ ایک انٹرویو میں راکھی نے انکشاف کیا تھا کہ جب میں نے وسیم اکرم سے ہاتھ ملایا تو انہیں کرنٹ لگ گیا، وہ مجھ سے مل کر پانی پانی ہو گئے تھے،انہوں نے دوسری شادی کی خواہش ظاہر کرتے ہوئے کہا کہ میری خواہش ہے کہ اس بار میں دبئی میں کسی پاکستانی لڑکے سے شادی کروں اور چاہتی ہوں کہ وسیم اکرم بھی اس تقریب میں شرکت کریں-
سینیٹ قائمہ کمیٹی سے پیکا ایکٹ ترمیمی بل منظور
قبل ازیں انہوں ایک ویڈیو میں پاکستانی اداکاراؤں ہانیہ عامر،نرگس اور دیدار کو ڈانس مقابلے کا چیلنج دیا تھا-
