سرگودھا،باغی ٹی وی (نامہ نگارشاہنوازجالپ)سرگودھا میں ایک ارب روپے سے زائد نگہبان رمضان پیکج میں وسیع پیمانے پر کھلے عام کرپشن،ناقص اشیاء خوردونوش کی فراہمی،ٹھیکے کی الاٹمنٹ میں رولز کی خلاف ورزی،مستحقین کے گھروں تک فراہمی میں رکاوٹ سمیت دیگر سنگین شکایات کے خلاف وزیر اعلی پنجاب مریم نواز نے سخت نوٹس لے لیا ہے، اور اعلی سطحی انکوائری کمیٹی قائم کردی گئی ہے،
مقامی انتظامیہ نے رمضان پیکج میں کرپشن اور بے ضابطگیوں پر بعض افسران کے خلاف نوٹس لیا ہے اور نگہبان پیکج میں شکایات اور کارکردگی نہ دکھانے پر 3 پٹواریوں حلقہ 46 شمالی عمیر قیصر، پٹواری موضع مٹھہ لک محمد وجاہت اور پٹواری حلقہ 43 نذر گوندل کو معطل کر دیا،
بعض افسران کے خلاف وینڈر کو آٹا، گھی، چینی، چاول اور بیسن فراہم کرنے اور کمیشن وصول کرنے کے الزامات کی بھی انکوائری کی جارہی ہے۔
وینڈر کو مارکیٹ ریٹ سے زائد نرخوں پر فراہمی کا ٹھیکہ ،ناقص اشیاء کی فراہمی سمیت دیگر الزامات بھی سامنے آئے ہیں۔ یہ بھی معلوم ہوا ہے کہہ وینڈر اور اعلی افسران کو بچانے کے لئے بیوروکریسی نے سر جوڑ لئے ہیں اور چھوٹے ملازمین پر ملبہ ڈالا جارہا ہے
