پہلا رمضان سپورٹس سیریز ایونٹ کا شیڈول جاری

نگران وزیراعلی پنجاب محسن نقوی کی ہدایت پر پہلا رمضان سپورٹس سیریز ایونٹ 7 اپریل سے شروع ہوگا،

مشیر کھیل پنجاب وہاب ریاض کا کہنا ہے کہ پہلا رمضان سپورٹس سیریز ایونٹ11اپریل تک جاری رہیگا جس میں 6 کھیلوں کے مقابلے رات کو ہوں گے، ان کھیلوں میں ہاکی، فٹ بال، کرکٹ ٹیپ بال،کبڈی، ٹیبل ٹینس اور بیڈمنٹن شامل ہیں،کھلاڑیوں کو85لاکھ روپے کے انعامات دیئے جائیں گے،رمضان سپورٹس سیریز کے انعقاد کا مقصد نوجوانوں کو صحت مند سرگرمیوں کے لئے پلیٹ فارم مہیا کرنا ہے،ہاکی ٹورنامنٹ 8ا ے سائیڈ ہوگا،20،20 منٹ کے دو ہاف ہونگے ہاکی ٹورنامنٹ کو پارک ویو ہاؤسنگ سوسائٹی سپانسر کر رہی ہے،ہاکی فاتح ٹیم کو 25لاکھ اوررنر اپ کو 15لاکھ روپے کے نقد انعامات دیئے جائیں گے کبڈی کی فاتح ٹیم کو 10لاکھ اور رنر اپ کو 5لاکھ روپے کے نقد انعامات دیں گے،فٹ بال کی فاتح ٹیم کو 5لاکھ روپے، رنر اپ کو 3لاکھ اور تیسری پوزیشن لینے والی ٹیم کو 2لاکھ روپے دینگے،کرکٹ ٹیپ بال کی فاتح ٹیم کو ایک لاکھ اور رنر اپ 50ہزار اور تیسری پوزیشن لینے والی ٹیم کو 25ہزار روپے دینگے،بیڈ منٹن اور ٹیبل ٹینس کے ایونٹ میں ہر ڈویژن سے مردوخواتین کھلاڑی حصہ لیں گے، فاتح ٹیم کو 2 لاکھ اور رنر اپ ٹیم کو ایک لاکھ روپے دینگے،گراؤنڈز کھلاڑیوں سے آباد ہوں گے تو نیا ٹیلنٹ سامنے آئے گا،

مشیر کھیل پنجاب وہاب ریاض کا کہنا ہے کہ کرکٹ ٹیپ بال ٹورنامنٹ میں ایک ٹیم کوئٹہ گلیڈی ایٹر کے ندیم عمر خرید رہے ہیں،دیگر ٹیموں کی سپانسر شپ کے بات چیت جاری ہے،کمشنر لاہور ڈویژن محمد علی رندھاوا کا کہنا تھا کہ نگران وزیر اعلی پنجاب محسن نقوی کے ویژن کے مطابق ایونٹ سپانسرڈ ہوگا،پنجاب حکومت کا ایک پیسہ خرچ نہیں ہوگا، پہلا رمضان سپورٹس سیریز ایونٹ یادگار ہوگا، ڈی جی سپورٹس پنجاب ڈاکٹر آصف طفیل کا کہنا ہے کہ پہلے رمضان سپورٹس سیریز میں 9 ڈویژنز کی ٹیمیں حصہ لے رہی ہیں،ویژن سطح پر افسران سپورٹس ایسوسی ایشنز سے مل کر ٹیموں کا انتخاب کررہے ہیں، کھلاڑیوں کو صلاحیتوں کے اظہار کیلئے بہترین پلیٹ فارم فراہم کررہے ہیں،

 فیصلے کی نہ کوئی قانونی حیثیت ہوگی نہ اخلاقی

 چیف جسٹس کی سربراہی میں بینچ کا بار بار ٹوٹنا سوالیہ نشان ہے،

 انصاف ہونا چاہیئے اور ہوتا نظر بھی آنا چاہیئے،

 عدالتوں میں کیسسز کا پیشگی ٹھیکہ رجسٹرار کو دے دیا جائے