منشیات کے الزام میں گرفتار رانا ثناء اللہ کا ریمانڈ ختم ہونے پر انہیں عدالت پیش کیا گیا، عدالت نے کیس کی سماعت ملتوی کر دی

باغی ٹی وی کی رپورٹ کے مطابق رانا ثناء اللہ کا جوڈیشل ریمانڈ پورا ہونے پرا نہیں انسداد منشیات کی عدالت میں پیش کیا گیا، رانا ثناء اللہ کے وکیل نے عدالت میں کہا کہ رانا ثنااللہ کو دل کی تکلیف ہے ،ابھی تک چالان پیش نہیں کیا ہمیں سیاسی انتقام کا نشانہ بنایا جا رہا ہے ،ہماری فائل ، ادویات ،موبائل اُن کے پاس ہے ، ایسی کونسی چیز ہے جو فائل کو پیش نہیں کیا جارہا

وزارت اینٹی نارکوٹکس نے رانا ثناء اللہ کے خلاف پولیس کو خط لکھ دیا. اہم خبر

عدالت نے کہا کہ جب تک فائل نہیں آتی کیس کی سماعت نہیں ہو گی ، عدالت نے مزید کہا کہ جب تک اے این ایف حکام رکارڈ پیش نہیں کرتے اُس وقت تک کیس ملتوی کیا جاتا ہے.

مسلم لیگ ن پنجاب کے صدر رانا ثناء اللہ نے جج سے مکالمہ کیا کہ مجھے ابھی رکارڈ نہیں ملا،کل ایک ٹیم نے تفتیش کی،تمام تفصیلات مجھے ابھی تک نہیں دی گئیں .

رانا ثناء اللہ کی گرفتاری کے خلاف اسمبلی میں قرارداد جمع

واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا. رانا ثنا اللہ کو جیل میں عام قیدی کی سہولیات میسرہوں گی ،رانا ثنااللہ کو منشیات فروشوں کے مخصوص سیل میں رکھا جائے گا ، منشیات فردوشوں کو جیل میں سہولیات میسر نہیں ہوتیں ،جیل قوانین کے مطابق منشیات فروشوں کو بی کلاس نہیں دی جاتی .

رانا ثناء اللہ کو عدالت پہنچا دیا گیا، ایف آئی آر میں کیا لکھا؟ جان کر ہوں حیران

رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی