وفاقی وزیر رانا ثناءاللہ کو دل کی تکلیف،راولپنڈی میں فوجی ہسپتال میں علاج کےلیےداخل

راولپنڈی:وفاقی وزیر رانا ثناءاللہ کو دل کی تکلیف، راولپنڈی میں فوجی ہسپتال میں علاج کے لیے داخل ہوچکے ہیں، اطلاعات یہ بھی ہیں کہ ان کی حالت قدرے بہترہے،رانا ثنااللہ کوتکلیف کچھ عرصے سے تھی

ذرائع کے مطابق رانا ثنااللہ کے حوالے سے کہا جارہا ہے کہ انکو سانس کی بڑی تکلیف ہے جس کی وجہ سے ان کوآکسیجن لگا دی گئی ہے ، ادھر ان کےحوالے سے یہ بھی کہا جارہا ہےکہ رانا ثناللہ کا ای سی جی اور اس کے علاوہ دل کے ددیگرٹیسٹ بھی جاری ہیں‌،

رانا ثناللہ کے حوالے سے یہ بھی معلوم ہوا ہےکہ ان کو انتہائی نگہداشت وارڈ میں رکھا جارہا ہے جہاں ڈاکٹروں کی ایک ٹیم ان کی مانیٹرنگ کررہی ہے اور ان کی سانس کو بہترکرنے کےلیے کوشاں ہیں‌

ذرائع کے مطابق رانا ثنااللہ کے فیملی کے لوگ بھی وہاں پہنچ چکےہیں‌

وفاقی وزیر اطلاعات و نشریات مریم اورنگزیب کا اس حوالے سے کہنا ہے کہ وزیر داخلہ رانا ثنا اللہ معمول کے طبی معائنے کیلئے عسکری ادارہ برائے امراض قلب (اے ایف آئی سی) راولپنڈی گئے تھے۔

انہوں نے کہا کہ ان کی صحت کے حوالے سے قیاس آرائیوں میں صداقت نہیں، 18 سال قبل 2004 میں ان کی ہارٹ سرجری ہوئی تھی اور ہر دو تین سال بعد اس کا چیک اپ کروانا لازم ہوتا ہے۔

وزیراطلاعات کا کہنا تھا کہ اس سال دو تین بار ڈاکٹرز سے معائنہ کرایا، ایک چھوٹا سا لیکن ضروری پروسیجر اے ایف آئی سی کے ڈاکٹرز نے تجویز کیا تھا جس کے بعد سے وہ روبہ صحت ہیں اورکل انشاءاللہ ہسپتال سے گھر آ جائیں گے۔