رنیبر کپور کا والد رشی کے ساتھ کیسا تعلق تھا؟

بالی وڈ اداکار رنبیر کپور نے اپنے حالیہ انٹرویو میں کہا ہے کہ ہم دونوں باپ بیٹے کا رشتہ بہت اچھا تھا، میرے والد رشی کپور نہایت ہی زندہ دل آدمی تھے ، وہ بچوں کے ساتھ دوستی کے قائل تھے لیکن ہمیشہ انہوں نے میرے ساتھ تھوڑا فاصلہ رکھا اور وہ فاصلہ صرف باپ کی اہمیت کو دکھانے کا رہا. رنبیر کپور نے کہا کہ میرے والد نے مجھے دنیا بھر کی آسائشیں دیں، انہوں نے مجھے ہائر ایجوکیشن کے لئے باہر بھیجا اور کہا کہ دنیا گھومو اور پڑھو لکھو. اداکار نے ساتھ ہی ساتھ یہ بھی کہا کہ والد بہت زیادہ سخت طبیعت کے تھے ، میں نے آج تک ان کے ساتھ نظر ملا

کر بات نہیں کی تھی ہمارے درمیان ادب و احترام کا رشتہ تھا. میزبان نے رنبیر سے پوچھا کہ کوئی ایک نصیحت جو آپ اپنے بیٹے کو کرنا چاہیں وہ کیا ہو گی تو انہوں نے کہا کہ میں تو اپنے بیٹے کو یہی کہوں گا کہ جتنا ہو سکے والد کے ساتھ وقت گزارو. یاد رہے کہ رشی کپور 2020 میں کینسر سے جنگ لڑتے لڑتے زندگی کی بازی ہار گئے تھے. انہوں نے اپنی زندگی کے آخری دو سال نیو یارک میں علاج کے لئے گزارے. جہاں ان کا ساتھ دینے کے لئے نیتو ، رنبیر اور عالیہ موجود رہے.