بھارت کے مشہور ڈیزائنر سبیاساچی نے بالی وڈ اداکارہ رانی مکھرجی کی خفیہ شادی کے راز سے پردہ اٹھادیا۔
حال ہی میں رانی مکھرجی کا عروسی لباس ڈیزائن کرنے والے اور بھارت کے مشہور ڈیزائنر سبیا ساچی سے یوٹیوب چینل پر دیے گئے ایک انٹرویو کے دوران بالی وڈ کی سب سے مزے کی شادی کے بارے میں سوال کیا گیا ؟
اس پر ڈیزائنر نے جواب دیا کہ مجھے سب سے زیادہ رانی مکھرجی کا سوٹ ڈیزائن کرنے میں مزہ آیا جس کی تصاویر بھی انہوں نے کبھی جاری نہیں کیں لیکن درحقیقت یہ ایک دیوانہ وار شادی تھی،ادتیہ چوپڑا ، کرن جوہر اور میں بہت افراتفری کا شکار تھے لیکن رانی مکھر جی بہت پرسکون تھیں۔
پاکستان سے رابطوں کا الزام،بھارتی فوج نے موچی کو حراست میں لےلیا
سبیا ساچی نے انکشاف کیا ہے کہ رانی مکھرجی نے اپنی شادی کا لباس بنانے کے لیے صرف ایک ہفتے کی ڈیڈ لائن دی تھی، رانی میرے پاس شادی سے چند روز قبل لنچ کیلئے آئی تھیں جس دوران اس نے بتایا کہ اس کی شادی ہو رہی ہے۔
اس پر میں نے رانی سے پوچھا کہ میرے پاس لباس کی تیاری کیلئے کتنا وقت ہے؟ اور اس نے کہا ایک ہفتہ، مجھے ایک ہفتے میں سب کچھ کرنا تھا، کم وقت میں کسی لباس کی تیاری ڈیزائنر کو بھی مزہ دیتی ہے۔
بین الاقوامی ادارے کی رپورٹ میں لاہور کو محفوظ ترین شہروں میں شمارکیا گیا ہے،عظمیٰ بخاری
واضح رہے کہ اداکارہ رانی مکھرجی اور آدتیہ چوپڑا نے 21 اپریل 2014 کو اٹلی میں خفیہ طور پر شادی کی تھی جس کی تصاویر بھی آج تک سوشل میڈیا پر مداحوں سے شیئر نہیں کی گئیں، بعد ازاں جوڑے کے ہاں بیٹی ادیرا کی پیدائش 2015 میں پیدا ہوئی تھی۔
