عراق میں رہائشی عمارت میں آتشزدگی، 14 افراد جاں بحق،متعدد زخمی

بغداد : عراق کے شہر اربیل کے قصبے سوران میں ایک رہائشی عمارت میں آگ لگنے سے 14 افراد جاں بحق جبکہ 18 زخمی ہو گئے ہیں۔

باغی ٹی وی : عالمی خبررساں ادارے نے سوران کے محکمہ صحت کے بیان کے حوالے سے بتایا ہے کہ عراقی شہر اربیل کے قصبے سوران میں ایک رہائشی عمارت کی تیسری اور چوتھی منزل پر لگنے والی آگ نے پوری عمارت کو اپنی لپیٹ میں لے لیا ، جس کے نتیجے میں 14 افراد جان کی بازی ہار گئے، ابتدائی تحقیقات سے پتہ چلتا ہے کہ آگ بجلی کے شارٹ سرکٹ کے باعث بھڑک اٹھی ، سول ڈیفنس کی ٹیموں اور فائر فائٹرز نے آگ پر قابو پا کر جاں بحق افراد کی لاشیں اور زخمیوں کو اسپتال منتقل کر دیا ہے ، واضح رہے کہ عمارت میں یونیورسٹی کے طلبہ اور اساتذہ رہائش پذیر تھے۔

سونے کی قیمت میں کمی

قبل ازیں عراق میں امریکی سفارتخانے پر مارٹر گولوں سے حملے کیے گئے تاہم کوئی جانی نقصان نہیں ہواعراق میں امریکی سفارتخانے پر 7 مارٹر گولے فائر کیے گئے جو سفارتخانے کے کمپاؤنڈ میں گرے امریکی فوج کے مطابق مارٹر گولوں سے عمارت کو معمولی نقصان پہنچا ہے تاہم کوئی زخمی نہیں ہوا۔

انتخابی دنگل،نظریاتی کارکنان کے حق پر ڈاکے کیوں؟ تجزیہ، شہزاد قریشی