راولپنڈی ، موٹر سائیکل سواروں کی پولیس پر فائرنگ،ایک زخمی

تھانہ صادق آباد کے علاقہ نورا روڈ کےقریب ناکہ پر ملزمان کی روکے جانے پر پولیس پارٹی پر فائرنگ کے نتیجے میں فائرنگ کے تبادے میں ایک ملزم زخمی ہو گیا ، زخمی ملزم کو ہسپتال منتقل کر دیا گیا ہے۔ زخمی ملزم کی شناخت علی شیر افگن کے نام سے ہوئی۔

صادق آباد کے علاقے نورا روڈ کے ناکے کے دوران موٹر سائیکل پر سوار دو افراد کو روکا گیا جنہوں نے پولیس پارٹی پر فائرنگ کر دی اور فائرنگ کے تبادلہ میں ایک ملزم زخمی جبکہ دوسرا رات کے اندھیرے کا فائدہ آٹھا کر فرار ہوگیا ،ملزم کے قبضہ سے موٹر سائیکل سی ڈی 70 اور اسلحہ ایک عدد پسٹل 30 بور معہ ایمونیشن بھی آمد کر لیا گیا

ایس ایچ او کے مطابق فرار ہونے والے ملزم کی تلاش جاری ہے۔گرفتار ملزم 13 دسمبر کوصادق آباد تھانہ حملہ کیس میں ملوث تھا، ملزم نے تھانہ پر فائرنگ کی تھی جس پر مقدمہ نمبر 2222/20 بجرم 7ATA/324 ت پ درج کیا گیا تھا۔خطرناک اور سماج دشمن ملزم کی گرفتاری پولیس کے لیے ایک چیلنج تھی۔

ایس پی راول ڈویژن رائے مظہر اقبال نے اپنے بیان میں کہا کہ ریاست کی رٹ کو چیلنج کرنے والوں کے ساتھ آہنی ہاتھوں سے نمٹا جائے گا، سی پی او کی خطرناک ملزم کی گرفتاری پر ایس پی راول اور ایس ایچ او صادق آباد اور ٹیم کو شاباش، دیگر ساتھیوں کی گرفتاری کی ہدایت کر دی